O pasado mércores día 18 de xaneiro o alumnado de 2º curso do ciclo superior de Acondicionamento Físico do IES A Guía visitaron o centro de crossfit Centaurus para realizar unha sesión práctica. Dende o IES A Guía queremos agradecer a súa colaboración para a formación do noso alumnado.
O pasado día 11 de xaneiro, o alumnado de 1º curso de Xestión de Vendas e Espazos Comerciais na modalidade dual, acompañados de dúas embaixadoras de excepción (Patricia Leirós e Lourdes Porto), visitaron o Porto de Vigo e asistiron á subasta de bivalvos na lonxa de mariscos. Patricia e Lourdes explicáronlles como funcionaba a subasta, os tipos de pesca e de embarcacións que se empregan entre outras cousas moi interesantes do apaixoante mundo do sector pesqueiro.
O pasado mes de decembro os grupos de 1º e 2º de Grao Básico de Actividades Comerciais do IES A Guía foron quen de xestionar unha tenda, en colaboración con Oxfam Intermon. O proxecto xorde da colaboración de todo o profesorado, combinada cunha visita previa á tenda de Oxfam en Vigo. A proba de que outro xeito de ensinanza é posible 
O xoves 21 de decembro, a piques de comezar o Nadal, o alumnado do ciclo superior de Acondicionamento Físico levou a cabo a dinámica da torre de espaguetis. Con ela, o alumnado experimentou como se traballa en equipo, quen asumiu o papel de líder, ... pero sobre todo, a aprendizaxe que leva asociada asumir os obxectivos e non renderse ata o segundo final. Os gañadores conseguiron unha torre de 57 cm. Parabéns!!
O pasado venres 16 de decembro, o alumnado de 1º curso do Ciclo Superior De Comercio Internacional realizou unha visita ao Porto e ao vivieiro de mariscos de Vigo grazas á colaboracion de FUNDAMAR (Fundación para a Pesca e o Marisqueo). Dende o IES A Guía queremos agraceder a colaboración para facer posible esta visita.
O pasado 14 de decembro, o alumnado do 1º curso do Ciclo Superior de Xestión de Vendas e Espazos Comerciais na modalidade Dual e o do Ciclo Superior de Transporte e Loxística, visitaron as instalacións da adega Martín Codax en Cambados para coñecer o proceso de elaboración e comercialización dos viños albariños, emblema dos viños galegos. Dende o IES A Guía queremos agradecer aos responsables da adega o tempo que nos adicaron así como as excelentes explicacións recibidas que enriquecen a formación do noso alumnado.
Theme by Danetsoft and Danang Probo Sayekti inspired by Maksimer
