O pasado 16 de maio, o alumnado do 1º curso do Ciclo de Grao Medio de Actividades Comerciais visitou o Museo de Arte Contemporáneo de Vigo para asistir a exposición Luz na escuridade. Un proxecto educativo levado a cabo no cárcere de A Lama no que as persoas reclusas fan vivenciar o seu día a día a través de imaxes fotográficas. Na visita tivemos a sorte de contar coa responsable do proxecto educativo Patricia que nos explicou a experiencia en primeira persoa. Os nosos alumnos e alumnas estiveron acompañados polos profesores Miguel Soto e Noela Martínez. Grazas a Patricia e a todo o equipo do MARCO por permitirnos aproximarnos a arte dende unha nova perspectiva!
O pasado 11 de maio, o alumnado do 1º curso do Ciclo Superior de Xestión de Vendas e Espazos Comerciais visitou Vepersa e Copervi, percentes ao grupo Rumbao. Durante a visita os Directores Xerentes e Comerciais fixeron unha presentación do concesionario, explicando as obrigas e obxectivos en canto a vendas e departamentos. Ademais diso, levouse a cabo unha visita polas instalacións dende a zona de exposición e venda ata a zona de vehículo usado, pasando tamén polo taller. Dende o IES A Guía queremos agradecer tanto ao programa EduTecEmprende como aos profesionais que fixeron posible a visita (Antonio García , Paula Losada e José Fidel) completando a formación do noso alumnado.Grazas!
No Salón de plenos do Pazo provincial da Deputación de Pontevedra, os alumnado de Acondicionamento Físico do IES A Guía recolleu o 2º premio Depoemprende, cunha dotación de 500 euros, polo seu proxecto "Depoenxebre", un xeito de levar o deporte ás zonas rurais de Galicia, á vez que favorece a socialización e a integración dos nosos maiores. Parabéns aos nosos alumnos Samuel, Raúl e Rubén!!! Premer para máis información
Os días 30 e 31 de marzo tivo lugar a segunda edición da mostra de educación e formación FormaMOS no que o noso centro participou coa súa presenza nun dos 70 stans. Para máis información, premer aquí.
O pasado venres día 17 de marzo, o alumnado de 1º curso dos grupos dos ciclos formativos de Comercio (Actividades Comerciais, Comercio Internacional, Xestión de Vendas e Espazos Comerciais, Servizos Comerciais) e Educación Física (Acondicionamento Físico), asistiu a unha charla sobre consumo responsable grazas a colaboración do Instituto Galego de Consumo. Dende o IES A Guía queremos agradecerlle a dito organismo, e especialmente á conferenciante Belén a súa colaboración na formación do noso alumnado. Grazas!
Theme by Danetsoft and Danang Probo Sayekti inspired by Maksimer