O día 25 de maio levamos a cabo a presentación oficial do laboratorio de Bioloxía do centro. O laboratorio de Bioloxía foi completamente renovado hai dous anos, cambiando a distribución dos espazos, a fontanería, a electricidade (aumentando a seguranza nas tomas de forza), mellorouse o solo e variouse a distribución de espazos. Tamén fixemos renovacións no departamento adxunto coa mellora do solo, cambio de mobiliario e a redistribución dos espazos de reunión e traballo.
Nestes dous anos incrementamos as horas de laboratorio impartidas ao alumnado e o número de prácticas realizadas. Tamén foi utilizado para as actividades de proxectos no centro como o Stembach, o proxecto COdos, o equipo TIC ou o proxecto Darwin.
Hai dous anos tamén decidimos poñer nome ao laboratorio e facer unha inauguración oficial que se foi pospoñendo ata este 25 de maio. O laboratorio recibe o nome de ‘Laboratorio de Bioloxía Charles Darwin’.
Este 25 de maio de 2023, entre os actos de inauguración, fixemos unha interpretación sobre a vida do naturalista Charles Darwin interpretada polo alumnado da materia de bioloxía de 1º de Bacharelato.
Deixámosvos aquí o vídeo da obra titulada ‘Biografía de Darwin’ e interpretada no salón de actos do centro. Esperamos que vos guste.
Sinapse: Un equipo de alumnado está encargado da presentación do laboratorio explicándonos porque recibe o nome de Charles Darwin. Con algún que outro problema consiguen rematar unha boa (e curiosa) explicación.
Inés Vazquez Rey recibe MENCIÓN na categoría de Bacharelato e Ciclos Formativos no XIII concurso de Incubadora de Sondaxes organizado por SGAPEIO. O seu traballo, "Competente, Atractiva y mujer: la combinación imposible" foi titorizado pola profesora Chus Mourazos no curso 2021-2022 na materia Cultura Científica de 1º de bacharelato.
A organización agradece ao centro a súa participación cos traballos presentados.
A fase final para seleccionar o traballo gañador e recollida de premios e mencións será o venres 9 de xuño na aula Magna da Facultade de Matemáticas da Universidade de Santiago de Compostela.
Na fase autonómica da XVII Edición da Olimpíada de Bioloxía celebrada o 18 de febreiro na facultade de ciencias da UDC, os nosos alumnos Vicente Bermúdez de Castro Rey e Martín Romero Múñiz, obtiveron respectivamente o segundo e cuarto premio da fase autonómica.
O posto acadado por Vicente Bermúdez de Castro o convirte en candidato a representar a Galicia na fase nacional a celebrar na Universidade de Oviedo entre o 31 de marzo e o 3 de abril.
Os alumnos estiveron acompañados polos profesores de Bioloxía Manuel Varela e Manuel Blanco.
Felicitación do Conselleiro de Cultura, Educación e Universidade:
Para finalizar o curso e dentro do Plan Proxecta "O noso mar, o noso sustento", o alumnado de 1º da ESO realizou unha serie de murais. Na materia de Francés trataron ecosistemas ameazados polas actividades humanas, e na materia de Inglés sobre a cidade de A Coruña como punto turístico dun xeito sostible.
Vídeos das actividades:
Se queredes ver mais actividades que se fixeron ao longo do curso dentro do plan Proxecta "O noso mar, o noso sustento", podedes acceder na Aula virtual do instituto, Departamento de Bioloxía e Xeoloxía, "o noso mar, o noso sustento" e acceder como convidados aceptando o regulamento.
Práctica de disección de ollo de vaca e de ril realizada na clase da materia Anatomía Aplicada que imparte a profesora Catalina Romero de 1º de bacharelato nos grupos A, B e C. Nesta práctica os alumnos puideron observar no ollo de vaca a retina, o punto cego, o nervio óptico, o cristalino, o humor vítreo, o corpo e músculo ciliar, a córnea... así como puideron comprobar a inversión da imaxe a través do cristalino. Na disección do ril puideron ver a pelve renal, o ureter, a codia renal e as pirámides de Malpighi da médula renal. Como se pode ver nalgunhas fotos, disfrutaron aprendendo. As fotos están realizadas e arranxadas por eles mesmos.
(Texto: C. Romero, Fotos e arranxos: alumnos das prácticas. Fai clic para velas fotos)
