blogue deorientacion

• Prazo: Do 16 ao 20 de xuño (ata as 14:00 h.)

•  Solicitude de revisión en Nerta.

•  Lembrade que a revisión pode levar a baixada de nota se se detecta erro.

Por aquí vos deixo as instrucións da CIUG para realizar a inscrición nos Graos Universitarios Galegos e as prazas dispoñibles. Lembrade que a inscrición se realiza no NERTA e a matrícula nas webs de cada universidade galega. Pegade un repaso á presentación de 2º Bach.

• Calendario de inscrición: do 16 ao 30 de xuño.
• Instrucións de admisión e matrícula: https://www.ciug.gal/PDF/ACCESO2023/convocatoria.pdf
• Prazas: https://www.ciug.gal/PDF/ACCESO2023/anexo_prazasI.pdf
• Solicitude praza: NERTA. https://www.edu.xunta.gal/nerta/
• Matrícula nas webs de cada universidade:

1. UDC: https://matricula.udc.es/MatriculaPrimeiro/Login.asp
2. USC: https://www.usc.gal/es/admision/grados/matricula
3. UVigo: https://secretaria.uvigo.gal/uvigo.sv/index.php?modulo=portalAcademico

• Calendario de matrícula (se che adxudicaron praza)

.

A CIUG publicou os novos parámetros 23-24 no mes de maio. Lembrade que tamén os tendes na aula virtual.

https://www.ciug.gal/PDF/ACCESO2023/ponderacions_2023_24.pdf

 Precisas axuda para decidir ou ter máis información sobre os estudos que podes facer en cada comunidade incluída a galega? Que tal se botas un ollo ao que te ofrece o programa ORIENTA 22-23:

https://www.elorienta.com/movil/?yafxb=56387

Se o próximo curso escolles estudar na USC, ben sexa en Santiago ou Lugo, debes saber que a convocatoria para solicitar praza abrese ata o 27 de XUÑO ás 14:00 horas. Para coñecer algo máis da oferta de residencias e o procedemento de solicitude, preme no seguinte enlace: https://www.usc.gal/es/servizos/oiu/aloxest.html

Se estás pensando en solicitar praza nalgún campus da Universidade de A Coruña, tes a posibilidade de visitar as residencias na xornada de portas abertas que terá lugar entre o 1 e 10 de xullo.

Para participar debes enviar previamente un correo a:

-A Coruña: residenciauniversitaria.coruna@udc.es 
-Ferrol: residenciauniversitaria.ferrol@udc.es

Máis info en: https://www.udc.es/es/sape/aloxamento/?language=en

 Estreamos xuño cunha mañá estupenda na que tivemos a oportunidade de coñecer ao noso novo alumnado. Que ilusión!

Comezáchedes a visita deixando unha pegada nada mais entrar porque o dire invitouvos a deixar o voso nome impreso na pantalla interactiva na que vos demos a benvida.

Logo tocou pasar ao salón de actos e tomar contacto co alumnado de 1° que xa ten experiencia nisto de transitar dunha etapa a outra. Confirmaron que o que di a ori é certo. Que ides a coñecer xente riquiña, que os maiores non vos miran e se o fan será con cariño como quen mira a un cachorriño pequeno. Tamén que no centro se está ben. E que hai figuras importantes como a de delegada ou de representante de consello escolar que paga a pena ter en conta porque ofrecen unha oportunidade de participar aínda máis no centro.

Siii, temos mais materias ca na Primaria pero tampouco hai tantos cambios, poderedes con eles, vaia que si. 

Nesta presentación da etapa e do centro, tamén vos fixemos entrega dunha cartiña feita polo alumnado de 1°ESO e os seus titores/as explicando como viviron este cambio. 

Logo, tocou parada na cafetaría e tomar un bocatiña e unha bebida antes de descifrar as mensaxes de benvida en código Braille, e facer un xogo no que a estratexia grupal era clave.

Toca marchar xa? Noooon, antes era obrigatorio ver as que serán as vosas aulas o próximo curso, coñecer a aula de plástica, informática, o laboratorio de física e química, a aula de apoio (que ben ule), a aula de Ciclo Básico, a biblio, a sa de profes (logo xa non se poderá entrar...pero hoxe fixemos excepción), a conserxería e administración, os despachos da dirección e o departamento da ori á que espero visitedes moito. 

Algún espazo quedou sen ver pero o tempo non deu para máis... ademais temos que deixar algunha sorpresa para setembro. 

Coñecíchedes a algúns profes: Guillín, Marta, Rita, Barcia, Montse, Micaela, Xulio, Iria, Marga, Fabio e Raquel, e tamén alumnado de ESO, CFPB e Bacharelato.

Agora xa tendes case todo dominado, coñecedes a etapa, o centro, as normas, como será o primeiro día. So nos queda voltar a vernos o 11 de setembro, esta vez para pasar un ratiño das vosas vidas con nós!

Presentación: 

As prazas de residencia nestes centros están dirixidas ao alumnado de Bacharelato e Ciclos. A residencia é de luns a venres. En función dq renda hai catro tramos de prezos, hai a posibilidade de que a residencia sexa incluso gratuíta.

Prazo para presentar solicitudes:

1. Para o alumnado matriculado en bacharelato: do 7 de xuño ao 12 de xullo de 2023.

2. Para o alumnado matriculado en ciclos formativos: do 7 de xuño ao 1 de agosto de 2023.

As solicitudes deberán dirixirse ao respectivo centro residencial docente.

Toda a información na seguinte páxina:

https://www.edu.xunta.gal/portal/node/40089

O venres pasado ALAR visitounos para ofrecer unha charla sobre o suicidio ao alumnado de 4°ESO e 1° CFPB.

O primeiro que se deixou claro é que unha persoa se suicida non porque non quera vivir, senon porque quere deixar de sufrir. 

Falamos do que pode desencadenar que unha persoa poida acabar coa súa vida. Tres son as causas principais na adolescencia: vivir situacións de violencia no ámbito familiar, as condutas adictivas e o bulling.

Detallamos algúns comportamentos tanto verbais como condutuais que poden observarse cando unha persoa ten conduta suicida. Ás veces un comportamento agresivo, de aillamento, sinais de despedida e outros, poden alertarnos desta situación polo que debemos estar atentos e interpretar ben o que a persoa está vivindo.

Descubrimos tamén que Lugo é a provincia con índices de suicidio máis altos de todo o territorio nacional. Vimos tamén que a situación se dispara dende hai 5 anos, e que frente ao mito que di que é mellor non falar do tema, os datos indican que é importante facer prevención, algo que xa estamos a facer.

Unha das cousas máis importantes para que a conduta suicidia non se produza é ofrecer axuda, unha actitude empática e de escoita. Nun 70% dos casos, descubrir o estado emocional da persoa e ofrecerlle atención e axuda evita que volva a intentalo. Vedes o importante que pode ser para unha persoa ser escoitada?

Se nalgún momento precisades axuda ou sabedes dalguén que a necesite, pasádevos por Orientación, non o dubidedes. Ademais da axuda que vos podamos ofrecer no centro, podemos activar intervención tanto no SERGAS como en ALAR.

Comparte a túa dor para que alguén poida axudarte.

http://xuventude.xunta.es/accion-de-veran

En breve abrirase prazo de solicitude das becas do Ministerio. O alumnado do centro que pode solicitala é o alumnado que o próximo curso ten pensado iniciar ou continuar estudos en Ciclos formativos de FPB, Ciclos Medios ou superiores, Bacharelato e Universidade. Lembrade que a solicitude realízase online.

Se precisades axuda, solicitade cita en Orientación.

Esta semana celebraráse na Coruña a III edición de Mocidade, o congreso galego de xuventude organizado pola Xunta de Galicia.

• DESTINATARIOS: mozos e mozas galegas de entre 18 e 30 anos de idade (incluídos).

• DATAS: venres 24, (comezamos pola tarde, ver horarios), sábado 25 (mañá e tarde) e domingo 26 de marzo (almorzo e saída para os aloxados).

• LUGAR DE REALIZACIÓN: Palexco (A Coruña).

• ALOXAMENTO: Complexo Xuvenil As Mariñas (Bergondo), en dormitorios compartidos.

• PRAZO DE INSCRICIÓN: remata HOXE mércores 15 de marzo.
• PROGRAMA: http://xuventude.xunta.es/images/mocidade2023/programa_mocidade_2023_gal_web2.pdf

• *TODA A INFORMACIÓN*
  http://xuventude.xunta.es/component/k2/item/25077-volve-mo-cidade-o-congreso-da-xuventude-galega.
• *FORMULARIO INSCRICIÓN*
  http://xuventude.xunta.es/formularios/formulario-de-solicitude-mocidade-2023-congreso-galego-de-xuventude

Que se pensaba este bichito...que non iamos ser capaces de orientar online? Sempre teremos o ORIENTA.

Agora que non tes que vir ao centro, bota un ollo a todas as opcións que podes estudar. Tamén podes facer os cuestionarios para que o programiña te axude a escoller materias,modalidades, grãos, ciclos.
Podes facerme as consultas que queiras por privado ou, correo ou teléfono.

Busca toda a información das nosas titorías e ligazóns que che interesan no blog