Skip to Content

Educación Física, Física e Química, Matemáticas, Orientación, Música, Tecnoloxía, Educación Plástica e Visual, Lingua e literatura galega, Lingua e literatura castelá, Inglés, Francés, Ciencias Sociais - Xeografía e Historia, Ciencias Naturais

Montse Fajardo no IES de Cotobade

Xov, 17/02/2022 - 15:50 — carina

O pasado 9 de febreiro tivemos a sorte de contar coa presenza da investigadora e escritora Montse Fajardo.  O noso alumnado de 4º ESO puido escoitar e participar da charla “A represión contra as mulleres tras o  golpe de estado de 1936” un relato pola MEMORIA, na que se recuperaron e dignificaron voces como a de Urania Mella, Elvira Lobeiro, María Gómez, Encarnación Rodríguez, Manuela Abuín ou Ernestina Otero entre outras moitas vítimas. O coloquio encadrábase dentro da materia de Lingua e Literatura galega co fin de ofrecer unha visión máis ampla do que foi o proceso de esfarelamento dos logros lingüísticos e literarios acadados no primeiro terzo do século XX.

Agradecemos inmenso a Monste o seu traballo, profundamente pedagóxico e didáctico e sobre todo, necesario.

PROBAS DE ACCESO A CICLOS FORMATIVOS DE GRAO MEDIO- CONVOCATORIA 2022-

Mér, 16/02/2022 - 21:02 — Anónimo

Introdución

PROGRAMA DE TOMA DE DECISIÓNS

Mér, 16/02/2022 - 20:44 — Anónimo

 

Iniciamos un Programa de Toma de Decisións para o alumnado de 4º de ESO. Este programa ten por obxectivo reflexionar sobre o seu futuro académico-profesional e responder á pregunta de que van facer cando acaben a ESO. Ademais de analizar os seus intereses profesionais  facilitarase información sobre os estudos postobligatorios de bacharelato e ciclos formativos de Formación Profesional.

Orde do 25 de xaneiro de 2022, pola que se actualiza a normativa de avaliación nas ensinanzas de educación primaria, de educación secundaria obrigatoria e de bacharelato no sistema educativo de Galicia

Lun, 14/02/2022 - 14:35 — Anónimo

Acaba de publicarse a Orde do 25 de xaneiro de 2022, pola que se actualiza a normativa de avaliación nas ensinanzas de educación primaria, de educación secundaria obrigatoria e de bacharelato no sistema educativo de Galicia

Orde do 25 de xaneiro de 2022 (DOG)

11F. Día internacional da muller e da nena na ciencia.

Sáb, 12/02/2022 - 01:00 — carina

Rosalind Franklin, Hedy Lamarr, Mary Anning, Agnes Pockels, Ángeles Ruíz Robles, Lynn Margulis, son algunhas das moitas científicas que estiveron presentes ese día no noso instituto. Gran parte do profesorado caracterizouse destas investigadoras esquecidas, para reivindicar as achegas que estas mulleres fixeron nos seus diversos campos. Entraron nas aulas e cada profesora relatou a súa biografía, o contexto social, as dificultades que atoparon para levar a cabo o seu traballo, e sobre todo, como foron silenciadas ao longo da historia, levando os méritos os seus compañeiros masculinos.

A actividade foi tremendamente didáctica polas aportacións, preguntas e interese que mostrou o alumnado.

Desde o centro seguiremos reivindicando este día para que a historia destas pioneiras sexa coñecida.

“Polas que foron, polas que son, pero sobre todo... polas que van ser!”

TEST e CUESTIONARIOS de ORIENTACIÓN VOCACIONAL e PROFESIONAL

Sáb, 22/01/2022 - 15:34 — Anónimo

CUESTIONARIOS DE ORIENTACIÓN VOCACIONAL

• http://www.edu.xunta.es/fp/descubre-a-tua-vocacion

Cuestionarios de intereses profesionais e escala de aptitudes deseñada en especial para o alumnado de 4º da ESO no portal de Formación Profesional da Consellería de Educación (están en formato de folla de cálculo).

• https://www.educaweb.com/orientacion/intereses-profesionales/ Educaweb é un portal que dispón da ferramenta GR, o "Gran Recorrido" para descubrir a profesión que che interesa.

Formación sobre mediación entre iguais e cibermentoría

Ven, 21/01/2022 - 17:17 — Anónimo

Tras a volta das vacacións do Nadal, todos os grupos da ESO recibiron dúas sesións de formación sobre mediación entre iguais e cibermentoría

A mediación é a forma de resolver conflitos entre dous ou máis persoas coa axuda dunha terceira persoa imparcial, o mediador que regula o proceso de comunicación cara a unha posible solución que satisfaga as necesidades das partes en conflito. É a intervención non forzada nun conflito de terceiras persoas neutrais para axudar ás partes implicadas a que o transformen por si mesmas.

Obradoiros de Nadal e entrega de trofeos e medallas aos finalistas do campionato de Bádminton 2021

Mar, 28/12/2021 - 14:33 — carina

Como cada curso, o noso Centro despide o ano 2021 cuns obradoiros de Nadal dirixidos polo profesorado e alumnado do Centro.

Ofrecéronse 15 talleres diferentes onde alumnado e profesorado compartiu as súas habilidades, amosando o seu enxeño e creatividade máis alá das aulas: 

  • Iniciación ao manexo de drons
  • Papiroflexia
  • Creación de pulseiras
  • Adornos de Nadal
  • Decoración de cantos rodados
  • Lectura Dramatizada
  • Creación en 3D
  • Torneo de pimpón 
  • Confección de bruxas con elementos naturais
  • Corpos Xeométricos
  • Scrabble
  • Xogo de palabras
  • Xogo: 1,2,3
  • Xogos populares
  • Microscopia

Por outra banda, o departamento de Educación Física fixo a entrega de medallas e trofeos aos finalistas e campións dos torneos de Bádminton realizados ao longo do trimestre, actividade enmarcada dentro do Proxecto Xogade da Xunta de Galicia. 

Alumnado do 3º curso de ESO do IES de Cotobade gañador de REMA 360º!!

Xov, 23/12/2021 - 19:24 — carina

O pasado 17 de decembro, o alumnado do terceiro curso de ESO, acompañado por Víctor José Álvarez Piñeiro, Xefe de estudos do noso centro, asistiu ao acto de entrega de premios do scaperoom#Redrema#PasaporteRema celebrado no centro comunitario de Caión (A Laracha).

A conselleira do Mar, Rosa Quintana Carballo, fixo entrega dos diplomas aos centros finalistas, rematando coa entrega do primeiro premio ao noso centro,  gañador do concurso.
Incidiu na importancia dos 27 espazos museísticos da rede REMA, Galicia como promotora do patrimonio mariñeiro e a difusión da oferta museística local. Ao amparo desta iniciativa, organizáronse actividades como REMA 360º, que consistiu en desenvolver unha unidade didáctica para os centros educativos localizados nos territorios dos GALP sobre cultura mariñeira atlántica en formato escape room virtual facendo un percorrido pola Rede REMA.

Agradecemos o labor da profesora de Xeografía e Historia , Rita Rodríguez Pereira pola súa iniciativa, posta en marcha e desenvolvemento do proxecto no pasado curso escolar 2020/2021, impulsando a participación do alumnado do segundo curso de ESO, para culminar hoxe no éxito recoñecido.
Desde o centro, cómpre salientar a boa disposición das familias durante o concurso e acto de entrega de premios.

Parabéns a todo o alumnado participante e gañador!!! Campións!

Campaña “Pódeche Pasar” de AESLEME.

Xov, 23/12/2021 - 10:26 — Anónimo

Os noso alumnado de 4º de Secundaria participaron  o día 20 de decembro na Campaña “Pódeche Pasar” de AESLEME.

AESLEME leva desde 1990 realizando a campaña de prevención de accidentes Pódeche Pasar, que se dirixe a alumnos de colexios e institutos. A  conferencia que se realizou en liña estruturouse en varias partes:

Prevención primaria: Causas que producen os accidentes e formas de evitalas (Educación viaria).

Prevención secundaria: Que facer cando se produce un accidente para non agravar as lesións existentes.

Prevención terciaria: Consecuencias dos accidentes: lesións medulares e traumatismos cranioencefálicos: problemas físicos, psicolóxicos e sociais.

Agradecemos esta iniciativa e a colaboración de Mario Rey Veiga profesor de tecnoloxía e informática.

Distribuir contido


by Dr. Radut