11F. Día internacional da muller e da nena na ciencia.

Rosalind Franklin, Hedy Lamarr, Mary Anning, Agnes Pockels, Ángeles Ruíz Robles, Lynn Margulis, son algunhas das moitas científicas que estiveron presentes ese día no noso instituto. Gran parte do profesorado caracterizouse destas investigadoras esquecidas, para reivindicar as achegas que estas mulleres fixeron nos seus diversos campos. Entraron nas aulas e cada profesora relatou a súa biografía, o contexto social, as dificultades que atoparon para levar a cabo o seu traballo, e sobre todo, como foron silenciadas ao longo da historia, levando os méritos os seus compañeiros masculinos.

A actividade foi tremendamente didáctica polas aportacións, preguntas e interese que mostrou o alumnado.

Desde o centro seguiremos reivindicando este día para que a historia destas pioneiras sexa coñecida.

“Polas que foron, polas que son, pero sobre todo... polas que van ser!”