Plans Proxecta

No mes de xuño, alumnado de 3ºESO empregou aceite de cocina usado, que alumnado e profesorado trouxeron previamente das súas casas, para elaborar xabón, colaborando a reciclar este residuo tan contaminante que todos xeramos nas nosas cociñas.

Dentro do Proxecto Ríos que estamos a desenvolver no IES Chano Piñeiro, e tendo en conta a problemática que temos toda a sociedade coa cantidade de lixo que xeramos e que, nos casos nos que non se deposita correctamente nos contedores apropiados acaba contaminando as augas, o pasado martes 17 de xaneiro, un educador de SOGAMA desprazouse ao noso centro para impartir tres sesións (abarcando todo o alumnado da ESO e 1º BACH) focalizadas na correcta separación e recollida selectiva dos residuos municipais, dando ao alumnado a oportunidade de consultar as súas dúbidas ao respecto.

O venres 17 de xuño,  o alumnado de 3ºESO cambiou as aulas pola beira do rio e foi á área recreativa de Cotelo para realizar a inspección de primavera do río Lérez, xunto cos seus profesores de Bioloxía e Xeoloxía, Física e Química e Matemáticas.