Como vén sendo habitual nos últimos anos, o pasado 4 de novembro celebramos no instituto o Día da Ciencia en Galego. Así, todos os alumnos, alumnas e profesores puideron visitar os diferentes obradoiros que, para a ocasión, prepararon os departamentos de Matemáticas, Música, Bioloxía, Tecnoloxía e Lingua Castelá. Ademais, como novidade, este ano convidamos aos nenos e nenas do cole a que se achegasen connosco ao mundo da ciencia.
Tedes toda a información sobre as actividades que desenvolvemos nesa xornada no blogue da Equipa de normalización (Lingua de Montes) pero, a modo de aperitivo, preme na imaxe para ver o vídeo-resumo.
