IES Castelao

Un ano máis volvemos visitar a Fundación Penzol, a que consideramos a nosa casa. O alumnado de 1º de Bacharelato achegouse ata a antiga casa do Concello para coñecer os fondos da biblioteca, as obras de arte que garda e ler a exposición dedicada a Luísa Villalta, homenaxeada nas Letras Galegas deste ano.
Queremos agradecer a ambilidade e o tempo do seu director, Xosé Manuel Soutullo.

Álbum: Curso 2023/2024 -> Visita á Fundación Penzol

O alumnado de 3º da ESO desfrutou dunha excelente xornada de kaiak nas augas de Panxón.

Actividade organizada polo Departamento de Educación Física

Álbum: Curso 2023/2024 -> Kaiak 3º da ESO

Este xoves 23, o alumnado de 1º ESO quixemos saír e visibilizar a nosa lingua polas rúas da cidade dunha maneira lúdica e divertida. Por isto, participamos na actividade do Correlingua que partiu desde o concello ata o parque de Castrelos. Polo camiño, iamos portando unha bonita pancarta feita na clase de Educación Plástica e Visual e compartindo viaxe con outros 22 centros educativos. Logo, no parque de Castrelos puidemos desfrutar das cancións do grupo de música Cuarta Xusta. Unha xornada festiva ben bonita. Fagamos sentir a nosa lingua no día a día!

Álbum: Curso 2023/2024 -> Correlingua 2024

O alumnado de 2º de bacharelato puido desfrutar dunha xornada de convivencia nas Illas Cíes, nesta recta final de preparación da ABAU e exames extraordinarios.

Ánimo, rapazada! Xa non falta nada! Azos!

Álbum: Curso 2023/2024 -> Saída Illas Cíes 2º Bach

O alumnado de 4º ESO e 1º de Bacharelato ven de participar nas charlas sobre a Formación Profesional Dual impartidas por Eva Alonso Álvarez, dinamizadora da relación con empresas do IES Audiovisuais de Vigo. 

A combinación de formación teórica e formación práctica nunha empresa, nun posto de traballo remunerado, é un gran aliciente para as alumnas e alumnos que rematan a educación secundaria obrigatoria e o bacharaleto e queren incorporarse ao mundo laboral cunha formación integral axeitada ao mercado laboral actual. 

Álbum: Curso 2023/2024 -> FP Dual

Alumnado de 4º ESO participa ao longo do mes de maio nos obradoiros de prevención de drogodependencias e consumo de sustancias nocivas, impartidos por médicos do mundo.

É importante que os adolestentes teñan información sobre os efectos nocivos do consumo de todo tipo de drogas, e das graves consecuencias para a saúde física e mental.  

Tamén é esencial fomentar factores de protección e modificar condutas de risco no ámbito preventivo.

Álbum: Curso 2023/2024 -> Obradoiros de prevención de drogodependencias

          O martes 21 de maio festexamos no instituto pola mañá o Día da Diversidade Cultural, así declarado pola Unesco desde 2002 a raíz da Declaración feita un ano antes na que se recolle a importancia de coñecer, respectar e conservar a inmensa riqueza que supón a variedade de culturas que hai no mundo como factor de integración e de inclusión e para un maior entendemento, máxime nestes tempos que corren.

Álbum: Curso 2023/2024 -> 21 de maio: Día da diversidade cultural

          O martes 21 de marzo festexamos no instituto pola mañá o Día da Diversidade Cultural, así declarado pola Unesco desde 2002 a raíz da Declaración feita un ano antes na que se recolle a importancia de coñecer, respectar e conservar a inmensa riqueza que supón a variedade de culturas que hai no mundo como factor de integración e de inclusión e para un maior entendemento, máxime nestes tempos que corren.

          Ao longo das primeiras clases o alumnado de varios grupos foi baixando a poñer nos mapas colocados no vestíbulo cadansúa bandeiriña no seu lugar de procedencia. Queda ben patente a diversidade existente no noso instituto! 

          Desde o departamento de Plástica, coa colaboración de persoas expertas nesas linguas (profesores como Gloria e Xián ou alumnas como Halima, Yousra, Alesia e Rhida), o alumnado de 3º C elaborou ademais uns fermosos carteis nos que se poden ler os seus nomes transcritos en varios alfabetos (latino, grego, cirílico, coreano e árabe). 

          Á volta do segundo recreo un feixiño de alumnas e alumnos deron lectura en varias linguas a algunhas pasaxes relativas ao sentido e os obxectivos deste Día. Foron: Juan e Carlos de 1º de bacharelato A (inglés), Pablo de 1º ESO A (ucraíno), Thalita de 3º ESO (brasileiro) e Isaac de 2º ESO A (guaraní). 

          Sexamos conscientes da riqueza que nos rodea, coñezámola e fagamos todo o que estea nas nosas mans para a súa conservación. 

Onte, 15 de maio, celebramos no noso centro o Día das Letras Galegas. Comezamos cun concurso poético-literario na nosa biblioteca, onde o alumnado gañador de cada aula tiña que recitar o seu poema diante dun xurado. A continuación tivemos o festival propiamente, onde homenaxeamos a poliédrica Luísa Villalta, a través da lectura da súa poesía e dunhas pinceladas biográficas con acompañamento do alumnado de música.

Tamén contamos coa inestimable participación das poetas Lara do Ar e Silvia Penas que recitaron obra propia e obra de Luísa Villalta. A parte festiva correu a cargo do alumnado de regueifas e do grupo de pandereteiras do centro.

Unha xornada ben bonita para dar pulo á nosa lingua!

Álbum: Curso 2023/2024 -> Festival das Letras Galegas 2024. Recitando a Luísa Villalta

No IES Castelao temos moita canteira de escritores. Co gallo das Letras Galegas, celebramos o II Certame literario As letras do Castelao. En homenaxe á autora deste ano, Luísa Villalta, as composicións foron poéticas e de temática libre. 

Álbum: Curso 2023/2024 -> II Concurso as Letras do Castelao