IES Castelao

O IES Castelao foi habilitado pola Xunta de Galicia coma un dos centros de educación para persoas adultas co obxectivo de facilitar a capacitación dixital. Este programa permitirá á cidadanía formarse en competencias dixitais transversais necesarias para desenvolverse de forma cotiá nunha sociedade cada vez máis dixitalizada, na que servizos esenciais, tales como a banca, o acceso ás administracións públicas ou o consumo se realizan de forma telemática.

Nesta nova xanela que estrenamos en edición para todolas familias do IES Castelao, queremos ter un contacto mais directo e informado con todalas persoas que teñen interese na educación dos seus fillos e fillas e queren formar parte desta grande comunidade educativa que formamos no IES Castelao. Coma primeira entrada, queremos convidarvos o próximo mércores ás 18:00 H no salón de actos do IES Castelao a esta charla, promocionada por FOANPAS (Federación olívica de asociacións de nais e pais) e impartada por Alicia Parra Pérez, Técnica de Saúde mental FEAFES Galicia.

Un 23 de febreiro de 1837 nacía Rosalía de Castro en Santiago de Compostela. Ela é o emblema de Galicia, a muller que conseguiu facer historia e, o máis importante, mudar o rumbo da historia. Xa coetáneos do seu tempo, coma Curros, lle dedicaban versos que describían a brillante figura que era: unha muller “que tiña na fronte unha estrela e no bico un cantar”.

Álbum: Curso 2023/2024 -> 23f Día de Rosalía de Castro

O alumnado de 4º da ESO e 1º de Bacharelato visitou a exposición Helmut Newton, na Coruña. Puideron deleitar en primeira persoa a calidade da obra do fotógrafo alemán. Ademais, realizaron un obradoiro de fotografía nun estudio profesional.

Álbum: Curso 2023/2024 -> Visita á exposición Helmut Newton

Na mañá deste mércores 21, Jose Manuel Blanco Fernández , profesor de física orgánica da Universidade de Santiago de Compostela e membro da comisión da CIUG, impartiu unha charla ao alumnado de 2º de Bacharelato.

A actividade enmárcase dentro do programa “A Ponte entre o ensino medio e a Universidade”, e ten como fin achegar ao alumnado o acceso á Universidade, recursos e servizos da USC (titulacións, plans de estudo, becas, residenzas, actividades complementarias...). 

Tamén lles falou das probas da ABAU, do material para a realización das mesmas, do Nerta, do funcionamento das reclamacións, e dos chamamentos para a matrícula na universidade.

Álbum: Curso 2023/2024 -> Charla da USC

           O día 23 de febreiro celébrase o Día de Rosalía, recordando o nacemento, hai 187 anos, desta autora auroral das nosas Letras.

          Por esa razón queremos dedicarlle a sesión da HORA DE LER deste xoves 22 de febreiro (día, por certo, do 85º aniversario do falecemento en Collioure de Antonio Machado,  e ambos cantaron nalgún momento co mesmo ton: Unha vez tiven un cravo / cravado no corazón... / Mi cantar vuelve a plañir: "Aguda espina dorada / quién te pudiera sentir / en el corazón clavada").

          Ofrecemos unha escolma de textos de Rosalía de Castro, así como unhas actividades e uns pasatempos sobre a figura e a obra da nosa escritora pioneira.

          Aproveitade para visitardes a instalación do vestíbulo feita polos departamentos de Plástica e Lingua galega. Contemplade a Rosalía retratada e lede os seus versos viaxando polas augas imparables que a trae a nosa mocidade.

          Sempre viva Rosalía!

O alumnado de Literatura Universal de 1º de Bacharelato colaborou coa Biblioteca Ramiro Fonte na preparación da actividade para celebrar San Valentín. Este fermoso mural, que leva por título “El muro de Julieta”, situouse no recibidor, onde o resto de compañeiras e compañeiros do Centro puideron deixar as súas declaracións de amor.

O 11 de de febreiro conmemórase o Día da muller e da nena na ciencia. Un grupo de alumnas de 3º e 4º da ESO participaron nos obradoiros Elas fan CienTEC organizados polas investigadoras do CIMBIO.  Deste xeito puxeron en valor o talento feminino e o avance científico.

Estas xornadas están apoiadas pola Unidade Científica da Universidade de Vigo.

Álbum: Curso 2023/2024 -> Elas fan Cientec

O Departamento de Educación Física organizou unha charla sobre como mellorar os hábitos alimenticios e ter unha dieta axeitada para unha saúde óptima.