Skip to Content

blogue deadmin

Axudas para a adquisición de libros e material escolar para o alumnado da ESO. Curso 2024-25

Mér, 22/05/2024 - 17:28

A Consellería de Educación vén de publicar a Orde do 7 de maio de 2024 pola que se regula a participación no fondo solidario de libros de texto e se convocan as axudas para adquirir libros de texto e material escolar destinadas ao alumnado matriculado na ESO para o curso 2024/25. O prazo para a presentación de solicitudes remata o 21 de xuño de 2024 (este incluído).

  • As solicitudes presentaranse preferiblemente por vía electrónica a través do formulario normalizado (ED330B) accesible desde a sede electrónica da Xunta de Galicia.
  • Opcionalmente poderán presentarse presencialmente nos centros docentes ou en calquera dos lugares e rexistros establecidos na normativa reguladora.
  • Os solicitantes das axudas deben cubrir unicamente os anexos I e II do procedemento ED330B e presentar a documentación necesaria.
  • Os anexos para a súa presentación presencial tamén poden descargarse nesta lizagón: Anexos I e II en pdf.

Proba de acceso a ciclos formativos de grao medio. Convocatoria 2024

Mar, 21/05/2024 - 16:56

As probas de acceso aos ciclos formativos de grao medio, convocadas mediante a Orde do 21 de decembro de 2023, terán lugar o día 23 de maio de 2024.

Os lugares de celebración das probas de acceso están publicados na seguinte ligazón.

As persoas inscritas deberán presentar, para a realización da proba, o seu docmento oficial de identidade e copia da folla da solicitude de inscrición.

Horario das probas:

  • Presentación
    • Ás 9:00 horas.
  • Parte matemática e parte sociolingüística da proba:
    • Das 9:30 ás 13:00 horas (Matemáticas, Lingua galega, Lingua castelá e Ciencias Sociais).
  • Parte científico-técnica da proba:
    • Das 16:00 ás 18:00 horas (Ciencias da natureza e Tecnoloxía)

Para máis información para a realización da proba de acceso consultade a seguinte ligazón.

Acreditación das competencias dixitais para o alumnado de formación profesional

Ven, 03/05/2024 - 00:21

A Consellería de Educación vén de publicar as instrucións para a acreditación das competencias dixitais para o alumnado matriculado nas ensinanzas de formación profesional no curso 2023-24. A acreditación das competencias dixitais poderá realizarse a través das seguintes modalidades:

2º Ciclo formativo de grao básico

  • O alumnado que obteña o título de Ciclo formativo de grao básico recibirá de oficio o certificado que acredite o nivel de iniciación se así o solicita.
  • O alumnado matriculado en 2º de Ciclo formativo de grao básico poderá presentarse a unha proba específica para acreditar o nivel intermedio.

2º Ciclo formativo de grao medio

  • O alumnado co título de técnico ou técnica en Instalacións de telecomunicacións recibirá de oficio o certificado que acredite o nivel intermedio se así o solicita.
  • A obtención do título de técnico ou técnica de Aproveitamento e conservación do medio natural acredita que a alumna ou o alumno ten os coñecementos das áreas de dominio 1, 2, 3 e 5 do nivel intermedio.
  • O alumnado de 2º de gro medio de Aproveitamento e conservación do medio natural poderá presentarse a unha proba específica co obxectivo de acreditar os coñecementos do dominio 4 do nivel intermedio.

O alumnado de 2º de grao básico e de 2º de grao medio de Aproveitamento e conservación do medio natural que desexe realizar a proba específica para a acreditación de coñecementos, habilidades e actitudes propias do nivel intermedio do Marco galego de competencias dixitais terá que cubrir o formulario de inscrición e entregalo na Secretaría do centro antes do mércores 22 de maio ás 14:30.

As probas realizaranse no centro na semana do 10 ao 14 de xuño.

ABERTO O PRAZO PARA A SOLICITUDE DAS BOLSAS DO MINISTERIO DE EDUCACIÓN. CURSO 2024-25

Mar, 19/03/2024 - 15:22

Está aberto o prazo da convocatoria xeral de bolsas e axudas ao estudo para o curso 2024-25. As axudas para os estudos posobrigatorios poderanse solicitar dende o 19 de marzo ata o 10 de maio a través da sede electrónica do Ministerio de Educación, Formación Profesional e Deportes.

O alumnado que teña pensado cursar bacharelato, Formación Profesional, ensinanzas artísticas, deportivas, de idiomas ou estudos universitarios, entre outros, poden pedir xa a súa bolsa para o vindeiro curso. Como en convocatorias previas, deberán de cumplimentar unha serie de datos provisionais, que poderán modificar máis adiante, e deberán facelo ainda que non saiban as cualificacións do curso actual, ou ainda que non saiban que van estudar o curso 2024-25.

Para máis información podedes consultar na seguinte ligazón.

Prazo: do 19 de marzo ata o 10 de maio.

Destinatarios: alumnado que no curso 2024-25 vai cursar estudos posobrigatorios (Bacharelato; Formación Profesional de grao básico, medio e superior; ensinanzas artísticas, deportivas, de idiomas ou estudos universitarios)

 

Admisión de alumnado non adscrito. Curso 2024/25

Xov, 29/02/2024 - 18:30

A partir do 1 de marzo ábrese o proceso de admisión para o alumnado que se incorpora por primeira vez ao IES Antón Alonso Ríos nos diferentes cursos da ESO e Bacharelato e non procede dun centro de primaria adscrito. Indícase a continuación o calendario do proceso:

  • PRAZO DE SOLICITUDE: Do 1 ao 20 de marzo de 2024, ambos inclusive

Prazo de solicitude de reserva para o alumnado que se incorpora por vez primeira ao sistema educativo galego ou para os que cambian de centro de maneira voluntaria. As solicitudes presentaranse mediante o formulario dispoñible na aplicación informática admisiónalumnado:

    • preferiblemente a través da sede electrónica da Xunta de Galicia;
    • opcionalmente, poderán presentarse presencialmente no centro.

 

  • PUBLICACIÓN DA LISTAXE PROVISIONAL DE ADMISIÓN: 25 de abril de 2024

Cinco días hábiles para formular reclamacións a partir do día seguinte da súa publicación.

 

  • PUBLICACIÓN DA LISTAXE DEFINITIVA: 15 de maio de 2024

Publicación da listaxe definitiva de persoas admitidas e non admitidas.

 

Para máis información sobre o procedemento (prazos, xestión das solicitudes e documentación a presentar) pódese consultar admisiónalumnado ou de maneira máis xeral a Orde de 21 de outubro de 2022 que regula o proceso de admisión de alumnado en centros escolares sostidos con fondos autónomicos ou na aplicación da Consellería de Educación.

 

FORMALIZACIÓN DE MATRÍCULA

O alumnado admitido deberá matricularse entre o días 24 de xuño e o 8 de xullo de 2024, ambos inclusive. Por cuestións organizativas, na secretaría do centro publicarase con antelación un calendario con días concretos para os distintos niveis.

Reserva de prazas. Curso 2024/2025

Xov, 29/02/2024 - 18:22

Infórmase que todo o alumnado que fixo a solicitude de reserva de prazas en 1º da ESO desde os centros adscritos foi admitido.

Guía de mediación parental para o uso seguro e responsable de internet por parte dos menores

Lun, 04/12/2023 - 17:32

Achegamos como ficheiro adxunto unha guía elaborada polo INCIBE (Instituto Nacional de Ciberseguridade) que agardamos que sexa de interese e utilidade. Para máis información, ferramentas e recomendacións podedes visitar a páxina web do INCIBE no seu apartado de menores e familias:  https://www.incibe.es/menores/familias

 

Programa YAM no IES Antón Alonso Ríos

Xov, 30/11/2023 - 21:59

O noso IES foi seleccionado pola Consellería de Cultura, Educación, Formación Profesional e Universidades para formar parte da rede galega de centros que desenvolverán o Programa de prevención do suicidio na mocidade 2023-23, cofinanciada pola Unión Europea.

O programa impleméntase a través de YAM (Youth Aware of Mental Health) que significa Xuventude Consciente da Saúde Mental. YAM é un conxunto de iniciativas escolares dirixidas á xuventude de 3ºESO nas que aprenden e debaten sobre a saúde mental baixo a dirección e supervisión de profesionais orientadores da Consellería de Educación e profesionais da saúde mental do SERGAS.

Para este curso 2023-24 o IES Antón Alonso Ríos será un centro de “control”, polo que o programa soamente consistirá na realización de enquisas por parte do alumnado. No curso 2024-25, e en adiante, o noso centro pasará a ser centro de “intervención”, o que implica a intervención directa nos grupos de 3ºESO por parte dos profesionais especializados no programa.

Ao longo do mes de xaneiro as familias e responsables do alumnado participante serán convocados a unha reunión informativa sobre o programa e se lles solicitará a autorización para que o alumnado poida participar no programa.

Para máis información sobre o programa poden consultar a páxina do programa YAM na seguinte ligazón: https://www.sergas.es/Asistencia-sanitaria/YAM?idioma=es ou pódese descargar o folleto imformativo para as familias premendo na seguinte imaxe:

 

Información sobre ordenadores Edixgal

Mar, 14/11/2023 - 22:47

 

O alumnado de 1º a 4º da ESO conta co proxecto Edixgal. No seguinte enlace pódese descargar o Folleto informativo para as familias (curso 2023-2024) no que se explican todos aspectos relativos a este proxecto, dende boas prácticas e responsabilidade dos usuarios para o uso correcto do ordenador ata sobre o xeito de proceder en caso de avarías. Tamén se recolle a opción de facer un seguro opcional e da súa cobertura.

O proxecto E-Dixgal conta cun equipo técnico de soporte específico (Soporte Premium) que canalizará todas as incidencias e co que se contactará en caso de avaría:

 

Ademais, a rede Edixgal conta cos seguintes puntos físicos de atención sinalados no mapa:

 

No centro, o coordinador E-Dixgal, o profesor Santiago Buján dará asistencia ao alumnado nos recreos dos xoves e ás familias nas súas horas de atención: os martes e os xoves de 12:00 a 12:50.

No seguinte enlace, poden consultar ademáis toda a relación relativa ao proxecto Edixgal.

 

 

Probas de acreditación de nivel en linguas estranxeiras

Mér, 11/10/2023 - 14:30

 

A Xunta vén de convocar as probas de cerfitificación en linguas estranxeiras coas que o alumnado ten a posibilidade de obter unha acreditación oficial nunha lingua estranxeira, que preferentemente será a lingua que cursa como 1ª lingua estranxeira. 

Distribuir contido


by Dr. Radut