EEI de Verducedo

Informamos de que a Consellería ven de publicar a resolución do 22 de outubro de 2020, pola que se adía a celebración de eleccións para a renovación dos Consellos Escolares, debido ao empeoramento da crise sanitaria xerada pola pandemia da COVID-19.

Así pois, as datas que establecera a Xunta Electoral quedan canceladas á espera de recibir novas instrucións.

No seguinte enlace podedes atopar toda a información:

http://www.edu.xunta.gal/portal/node/32201

 Informamos de que nestas datas se inicia o proceso para a RENOVACIÓN PARCIAL DOS MEMBROS DO CONSELLO ESCOLAR.

Este curso toca renovar:

 - 1 representante de pais/nais.

 - 1 representante das mestras.

 Datas marcadas pola Xunta Electoral, de interese para as familias, que poderedes votar ao representante de nais/pais: 

Adxunto ao final desta entrada atoparedes o calendario escolar para o presente curso 2020/2021.

Aos festivos que figuran nel, hai que engadir o 11 de novembro (San Martiño, festivo local en Moaña) e o 19 de marzo (San Xosé).

Así mesmo, tódolos centros educativos de Moaña solicitamos o 30 de abril como día non lectivo.

No seguinte enlace podedes acceder a toda a información na web da Consellería de Educación:

http://www.edu.xunta.gal/portal/es/node/31489

Non é a volta ao cole que nos imaxinamos, nin por suposto a que os nenos e nenas merecen, pero faremos todo o que estea nas nosas mans para que sexa a volta máis feliz e segura posible.

Xuntos conseguirémolo!

Queridas familias,

A vindeira semana dará comezo o curso escolar para o alumnado da nosa escola.

Segundo a Resolución do 1 de setembro de 2020, 4º e 5º de Educación Infantil (3 e 4 anos respectivamente) comezarán o xoves 10 de setembro, e o alumnado de 6º de Educación Infantil (5 anos) comezarán o venres 11 de setembro.

O luns 7 de setembro levaremos a cabo as reunións informativas de inicio de curso nos seguintes horarios:

5 anos: 16h, aula de psicomotricidade.

4 anos: 16h, exterior do centro.

3 anos: 17h, exterior do centro.

Pregamos puntualidade e que acuda un só adulto por cada neno/a.

Anexado a esta publicación, inclúense o Plan de Acollida, o Plan de Adaptación á situación COVID para o curso 2020/2021 e o Plan de Continxencia da nosa escola para o coñecemento de toda a comunidade educativa.

 O alumnado de novo ingreso que desexe formalizar matrícula na EEI de Verducedo para o vindeiro curso, deberá presentar no centro a seguinte documentación:

- Anexo III cuberto (documento adxunto ao final desta entrada).

- 2 fotografías tamaño carné.

- Fotocopia da tarxeta sanitaria.

- Certificado médico (onde se especifique que ten a cartilla de vacinas ao día).

- Fotocopia do libro de familia.

- Fotocopia DNI dos proxenitores.

- De ser o caso, solicitude de uso de transporte (documento adxunto).

Por incríble que pareza, chegamos ao último día deste curso tan estrano.

A situación que nos tocou vivir non foi fácil para ninguén, por iso queremos darvos as gracias, familias: a vosa boa disposición, colaboración e cariño fixo o noso traballo un pouco máis doado.

E que dicir dos nosos peques... se merecen o aplauso máis grande do mundo! As profes estamos orgullosísimas deles.

Compartimos con vós este vídeo de fin de curso. Non sustitúe a unha despedida en persoa, pero agardamos que vos faga sentir todo o noso cariño.

Unha aperta xigante e moi feliz verán ☀️

Informamos de que todo o alumnado que presentou solicitude de admisión para o curso 2020/2021 foi admitido. Podedes consultar o listado completo no taboleiro da escola.

Lembramos que a formalización da matrícula será entre o 1 e o 10 de xullo, ambos incluídos.