A Consellería deCultura, Educación e Universidade publicou, no DOG de venres 12 de novembro, a ORDE do 28 de outubro de 2021 pola que se regulan os criterios e o procedemento de distribución de máscaras entre o alumnado matriculado en educación primaria, educación secundaria obrigatoria e educación especial en centros docentes públicos dependentes desta consellería e en centros privados concertados no curso 2021/22 (código de procedemento ED330E).
Alumnado destinatario: Alumnado matriculado en Educación Primaria (non Educación Infantil)
a) Non é preciso que presente solicitude:
O alumnado beneficiario da axuda de material escolar no curso 2021-2022.
b) Ten que presentar solicitude:
O alumnado que non foi beneficiario da axuda de material escolar no curso 2021-2022 e que
cumpra algún dos seguintes requisitos:
• Que pertenza a unha familia cunha renda per cápita igual ou inferior a 6.000 € ( Renda fiscal do 2019).
• Alumnado matriculado en educación especial.
• Alumnado suxeito a tutela ou garda da Xunta de Galicia.
• Alumnado cun grao de discapacidade igual ou superior ao 65%.
TRAMITACIÓN E PRESENTACIÓN DAS SOLICITUDES
-
De xeito presencial no centro, con cita previa.
-
Prazo presentación: desde o 15 ata o 26 de novembro 2021 ambos os dous incluídos.
-
Formulario de solicitude (Anexo I). A solicitude terá que vir debidamente cuberta e asinada, xunto coa copia e orixinal de toda a documentación achegada.
- Documentación complementaria: Fotocopia do libro de familia e Anexo II de comprobación de datos de membros computables da unidade familiar.
As listaxes provisionais publicaránse no taboleiro interior do centro o 30 de novembro e en caso de exclusión na listaxe provisional, as persoas afectadas poderán formular reclamación ante o centro docente nos dous (2) días hábiles seguintes ao da súa publicación.