blogue deadmin

Os nenos e as nenas de Parada, ao longo do curso escolar, convertéronse nuns magníficos cociñeiros. Coa axuda das súas familias elaboraron unha chea de receitas as cales tiñan como ingrediente estrela as conservas de produtos do mar. Despois de cociñar unhas suculentas pizzas, empanadillas... puideron probalas. Resultou sen dúbida, unha experiencia culinaria moi agradable.

Tamén recibiron a visita dunha extraballadora dunha conserveira, a cal lles explicou moi polo miúdo como era o proceso de elaboración das conservas de produtos do mar. Os cativos e as cativas puideron resolver todas as súas dúbidas nun coloquio moi ameno.

Os alumnos e alumnas de Areas trouxeron da casa diversos tipos de conservas diferentes ás que lles deixou Golfo na aula, a nosa mascota de biblioteca, na golfobolsa. Puideron  observar as diferenzas entre os envases así como o contido das mesmas. Ademais tamén elaboraron coas súas familias receitas, libros e contos. Con todo isto fixeron un recuncho moi rico e saudable na aula.

O xoves 24 de maio fomos de visita ó Gadis da Rúa Rosalía de Castro de Vigo, dentro das actividades programadas no Plan Proxecta.

Nun primeiro momento recibimos unha charla sobre alimentación saudable e a composición e importancia da pirámide dos alimentos. Despois fixemos unha visita ó supermercado onde nos foron explicando as distintas seccións.

Foi moi divertido!!!!

      Este ano todas as aulas do CRA A Picaraña, xuntámonos na escola de San Mateo co gallo da celebración do Día das Letra Galegas que este ano está adicado  á escritora e profesora María Victoria Moreno Márquez (Valencia de Alcántara, Cáceres, 1939 – Pontevedra, 2005).

O pasado 27 de Abril todos os alumnos e alumnas do CRA a Picaraña participaron no obradoiro "Ponlle pilas ao teu bocata" na aula de Areas. Esta xornada tivo como obxectivo poñer en valor as propiedades nutritivas das conservas de produtos do mar a través dunha charla e de xogos, así como tamén a elaboración de bocadillos con conservas e diversos vexetais. Esta actividade enmárcase dentro do proxecto Alimentámonos no Cra, o cal se está desenvolvendo ao longo deste curso escolar con diversas actividades nas aulas.

Para completar a xornada, o alumnado participou nun circuíto de psicomotricidade e tamén gozou escoitando o conto de Nadarín.

Resultou sen dúbida, unha xornada moi agradable.

            Inmersos xa neste tercer trimestre no proxecto “As abellas”, os nenos e nenas do CRA visitamos Apípolis, unha finca ubicada en Pontevedra que naceu co obxectivo de que os cativos e cativas coñecesen en profundidade e de primeira man o mundo da apicultura.

            Resultou sen dúbida unha xornada diferente, divertida e proveitosa. Aínda que o tempo non nos acompañou, desfrutamos xuntos dun día no que, dende o primeiro intre, non paramos de traballar e aprender.

            Un equipo de monitores fantásticos tiña organizado unha morea de actividades, así que despois de agruparnos en pequenos equipos nos que estabamos mesturados, nos despuxemos a descubrir o universo das abellas.

            Fixemos unha visita guiada pola finca e descubrimos que había pequenos talleres onde realizar distintas actividades nas que tivemos que escoitar, investigar, experimentar a través de charlas explicativas, manualidades, cociñar galletas, elaborar velas coa cera que producen as abellas, visitar un enxame de abellas, visitar unha zona formativa onde en diferentes espazos íamos descubrindo a importante labor deste insecto no equilibrio da natureza.

            Mergullados na finca como auténticos apicultores, quedamos entusiasmados coa información que íamos descubrindo de xeito práctico sendo protagonistas e chegando a tódolos rincóns.

            Saír pola mañá, xogar e descubrir todas as actividades, xantar cos profes e cos nosos  compañeiros e compañeiras desfrutando ata o último intre, fixeron que Apípolis se posicione como unha das nosas saídas didácticas favoritas.

Este tercer trimestre estamos traballando o proxecto “as abellas”, e na escola de Portela tivemos a visita de Tomás Rivero, un apicultor, e Roberto, un bombeiro de Ponteareas, que nos viñeron a ensinar e explicar como é a vida das abellas. Quedamos moi sorprendidas e sorprendidos co intelixentes que son!

Falamos das vespas asiáticas ou velutinas e déronnos uns trípticos con información moi interesante sobre o tema. Ata aprendimos a elaborar trampas caseiras!

Ademáis aproveitamos e vimos un vídeo sobre o protocolo de actuación en caso de incendio no cole ou en calquera outro edificio. 

Foi unha mañá xenial!!

(Preme na imaxe para ver a presentación)

Neste segundo trimestre quixemos acercar a arte aos nenos e nenas co grandísimo artista JOAN MIRÓ, para o que utilizamos a súa faceta coma escultor. Eleximos a este gran artista pola súa simplicidade e sinxeleza nas formas que realiza e no uso das cores nas que destaca a súa orixinalidade (azul, vermella, amarela, verde e negra); Aspectos que están moi relacionados coa forma de representación infantil.

Os nenos e nenas desfrutan observando as súas esculturas imaxinando o que representa cada unha delas. Así que, se hai una artista cuia técnica e universo imaxinario se relacione fortemente co mundo infantil, ese é JOAN MIRÓ.

Como diría Mª Carmen Díez Navarro no seu libro 10 ideas clave: "Non podemos intentar meter a arte no neno, a arte sairá del se o permitimos".  (PREME NA IMAXE PARA VER UN VÍDEO DA REALIZACIÓN DO PROXECTO)

                                          DIRECCIÓN: Vilanova, 1. Moreira (Ponteareas).

                TELÉFONO: 886 11 05 88

                CORREO ELECTRÓNICO: cra.apicarana@edu.xunta.gal

VÍDEO DAS AULAS