blogue deadmin

Unha das propostas que partiron do Equipo de Biblioteca e que impulsan, ademais do fomento lector e o gusto pola literatura infantil, o uso da lingua galega, son as recomendacións literarias que realiza cada trimestre o alumnado de cada unha das aulas.

Podes escoitalas na páxina da Biblioteca, nesta ligazón: https://crapicaranatics.wixsite.com/biblioteca/events

Anímate a ler os libros recomendados!

“Hai que deixar que a poesía saia á rúa, quitala do sillón do lector.”

(Xela Arias, 1990)

Como cada 21 de marzo, a Biblioteca, en colaboración co EDLG, impulsou a celebración do Día da Poesía. Desta ocasión, o alumnado representou artísticamente varios poemas de tres poetas galegas: Helena Villar Janeiro, Ana María Fernández e máis Rosalía. Tivemos moita fortuna, pois o bo tempo acompañounos, de xeito que puidemos sacar as poesías ao exterior e gozar así tamén da primavera. 

Podes ver máis imaxes no instragam do noso centro: https://www.instagram.com/p/CMwD5-eloUI/?igshid=1mjdzvfwmpu1i

Un ano máis conmemoramos a data do nacemento da nosa galega máis ilustre, a pioneira e continua fonte de inspiración. Ademais de convertela na guía da nosa Biblioteca de centro, dende o EDLG propuxemos unha xincana para festexar o aniversario de Rosalía. 

O alumnado tiña que resolver seis probas, se eran quen de facelo con éxito o profesorado dáballes unha pista de onde se agochaba a peza dun crebacabezas que terían que compoñer ao rematar todas as probas.

Dende as seis aulas do CRA gozamos deste día con probas como:

Para ver máis imaxes de como festexamos esta conmemoración podes visitar a nosa páxina de instagram: https://www.instagram.com/p/CLr0JlHFhDm/ e, máis concretamente, o enlace adicado a esta actividade:

https://www.instagram.com/p/CLr0JlHFhDm/?igshid=1a2m25ry5lmm2

Partindo dos libros ¨É tempo de Entroido¨ e ¨Non pare a festa¨ de Ramón D.  Veiga e David Sierra da editorial Xerais, elaboramos un ficheiro de tarxetas cos personaxes e as figuras máis representativas do Entroido tradicional galego, para que o noso alumnado tivera a oportunidade de coñecer e, dalgún modo, gozar das diversas e numerosas celebracións que se dan na nosa terra. 

Tamén fixemos en todas as aulas obradoiros de máscaras como os Volantes, Cigarróns e Peliqueiros ou do Entroido máis tradicional da zona de Ponteareas, recuperando as Perriñas, os Mudados e xs Mamarrachxs ou Farrapeirxs. 

Se queres ver un anaquiño máis, podes facelo no noso instagram:

https://www.instagram.com/p/CLWXy28lolc/?igshid=klwnp36twhvp

https://www.instagram.com/p/CLRvfTSFuQP/

https://www.instagram.com/p/CLUNoRSlehc/

https://www.instagram.com/p/CLAYveEl5es/

Un dos obxectivos do EDLG este curso foi dar visibilidade a mulleres galegas que destacan ou destacaron en diversos eidos de traballo, a través da posta en marcha do ficheiro ¨Galegas que marcan o bo camiño¨.

Así coñecemos a María Xosé Alonso, unha farmacéutica e investigadora galega, nada na provincia de León. Presente en diversos comités e asociacións científicas, e gañadora de múltiples premios polo seu incansable traballo, foi a primeira muller catedrática en farmacia na Universidade de Santiago de Compostela. Actualmente traballa nunha vacina para a COVID-19. 

Co gallo do ¨Día Internacional da muller e a nena na ciencia¨, o alumnado do CRA A Picaraña decidiu preguntarlle a María Xosé polas súas inquedanzas, quen nos respondeu amosando unha inmensa amabilidade, proximidade e amor pola súa profesión, alentando deste modo nas nenas e nenos o interese e a ilusión pola ciencia. 

Tamén podes velo no instagram do noso centro:

https://www.instagram.com/p/CMZ3q5jltFb/

Coa chegada do Nadal, o EDLG en colaboración co Equipo de Biblioteca, quixemos que a figura do entrañable Apalpador percorrese todas as aulas a través dunhas caixiñas que contiñan un conto, diversos xogos de madeira e unha carta dirixida ao noso alumnado procedente directamente do Courel, alentando ás nenas e nenos a escribir os seus desexos tras un ano tan duro, no que tivemos que afastarnos de persoas e vivencias tan importantes para nós.

No noso instagram podes ver máis:

https://www.instagram.com/p/CI43PEWFWBE/

Coa finalidade de recuperar as nosas tradicións galegas, dende o EDLG propuxemos a realización dun obradoiro de calacús en cada aula e, xunto co Equipo de biblioteca, elaboramos un conto para achegar de xeito especial esta celebración ás nenas e nenos. 

Para visualizar o conto que fixemos, preme na seguinte ligazón:

https://crapicaranatics.wixsite.com/biblioteca/contada-de-sama%C3%ADn

E no instagram do centro podes ver as diferentes actividades que puxemos en marcha co gallo do Samaín:

https://www.instagram.com/p/CG-h1DyF3hz/

https://www.instagram.com/p/CHAaAL7lUbZ/

https://www.instagram.com/p/CHC9zunlBch/

https://www.instagram.com/p/CHC-fpcl07_/

https://www.instagram.com/p/CHLvDdcF7qk/

Outro curso máis, o noso centro participa no programa de Voz Natura, que este ano ten por título “Coidar a nosa contorna é o bo camiño”, motivando a defensa dos espazos naturais do Camiño de Santiago. 

Ademais de, por suposto, impulsar a preservación dos espazos naturais, servíndonos deste título, dende o EDLG, quixemos tamén aproveitar para dar visibilidade a mulleres galegas que destacan ou destacaron nos seus eidos de traballo e que, en moitas ocasións, quedaron escasamente visibilizadas en comparación cos seus iguais masculinos. Mulleres que abriron camiño, deixando unha pegada que merece non ser borrada da nosa historia colectiva, marcando o paso para que as nosas pequenas e pequenos, cos seus intereses, valores, cualidades e inquedanzas, poidan empezar a percorrer “o bo camiño”. 

Preparamos unha caixa cun ficheiro de diversas mulleres galegas do ámbito da cultura, do deporte ou da ciencia, como son Lara Lars, Verónica Boquete, Xoana, Ledicia Costas, Lucía Freitas, María Xosé Alonso e Rosalía de Castro. Deste modo, durante o primeiro trimestre cada aula tivo a oportunidade de achegarse á biografía de cada unha destas mulleres, para profundar nunha delas durante o segundo trimestre e investigar sobre unha nova muller galega destacada no terceiro, incrementando así as pegadas neste camiño. 

Na aula de Areas investigamos sobre a figura da fotógrafa Ruth Matilda Anderson, a cal realizou unha fotografía da aula de Areas no ano 1924. Por tal motivo decidimos facer unha homenaxe a súa figura a través da representación da súa obra en colaboración coas familias.