CRA A Picaraña
"Ninguén tería que ser incluído nun mundo ao que xa pertence"
blogue deadmin
ELECCIÓNS CONSELLO ESCOLAR 2021
Posted Outubro 26th, 2021 by adminEstimadas familias:
Informámosvos que nestas datas iníciase o proceso para a renovación parcial dos membros do Consello Escolar; órgano de participación na vida do centro.
O calendario será o seguinte:
O día 29 de outubro ás 09:30 h realizarase o sorteo público na sede do CRA (Ganade) para designar os membros da Xunta Electoral que estará formada pola dirección do centro, unha mestra ou un mestre e unha nai ou pai ou representante legal. Algunhas das competencias da Xunta Electoral son:
- Aprobar e publicar censos electorais.
- Ordenar o proceso electoral.
- Admitir e publicar candidaturas.
O día 2 de novembro constitución da Xunta Electoral.
O día 8 de novembro procederase á publicación dos censos electorais.
Ata o 15 de novembro ábrese o período de reclamacións ó censo.
Do 9 ao 16 de novembro prazo de presentación de candidaturas.
O 17 de novembro procederase ao sorteo público das nais e pais compoñentes da mesa electoral. Este sorteo terá lugar na sede do centro (Ganade) ás 09:30. Este día tamén se procederá á publicación de candidaturas.
O día 22 de novembro exposición das candidaturas definitivas.
O día 23 de novembro terán lugar as eleccións dos membros do Consello Escolar; nais/pais e mestras/mestres.
Seguirémosvos informando, esperando contar coa vosa participación.
O equipo directivo.
A NOSA BIBLIOTECA
Posted Outubro 25th, 2021 by adminTemos moita ilusión e traballo depositado na posta en funcionamiento da nova biblioteca do CRA A Picaraña, se ben non foi un camiño fácil coa covid presente e coincidindo coa creación da nosa biblioteca física, por fin podemos contar cun espazo destinado en exclusiva á biblioteca.
Hoxe os nenos e nenas verana por vez primera e invitarémolos a que pronto pasen unha xornada nela.
Estamos desexando que interactúen con ela sen a distancia de por medio.
Período de adaptación
Posted Septembro 25th, 2021 by admin
Podedes ver máis fotos accedendo en cada aula no apartado da esquerda "Galerías das escolas".
LETRAS GALEGAS 2021
Posted Maio 24th, 2021 by adminAo longo de toda a semana dedicada ás Letras Galegas, traballamos á escritora, poeta, editora, tradutora e docente Xela Arias, símbolo de inconformismo e rebeldía da nosa terra.
Quixemos abordar a súa faceta como tradutora, polo que primero escoitamos fragmentos de contos noutros idiomas e, cando comprobamos que non os entendíamos, afondamos na importancia da tradución para a nosa lingua.
“O idioma é o principal signo dunha cultura. Quere iso dicir que un pobo que se alonxa do seu idioma alónxase da súa cultura. Quere iso dicir que a un pobo ó que alonxan do seu idioma alónxano da súa cultura.” XELA ARIAS, 1988.
Podes visitar no noso instagram a publicación referente ás Letras Galegas premendo na seguinte ligazón: https://www.instagram.com/p/CO9z_Nflm6I/?utm_medium=copy_link
NO MAIO, LE EN GALEGO
Posted Maio 12th, 2021 by adminA lectura en galego é unha recomendación para todo o ano, pero especialmente polo maio, mes dedicado ás nosas letras. De forma conxunta, o EDLG e máis a Biblioteca do CRA A Picaraña, temos as seguintes recomendacións para toda a familia, nas que, por suposto, destaca a presenza dos libros da homenaxeada este 17 de maio, Xela Arias:
Podes descargalo aquí:
OS MAIOS
Posted Maio 10th, 2021 by adminCoa chegada da primavera e do quinto mes do ano, desde o EDLG quixemos darlle unha voltiña á celebración dos Maios e enchemos de flores as nosas cabezas.
Se che apetece ver algunhas fotografías de como fixemos esta actividade, preme na seguinte ligazón do noso instagram: https://www.instagram.com/p/COfyfAZFdZe/?igshid=bnuudy4x7tmp
- « primeira
- ‹ anterior
- …
- 9
- 10
- 11
- 12
- 13
- 14
- 15
- 16
- 17
- …
- seguinte ›
- última »
