Estimadas familias,
Desde a dirección do centro, antes de nada, damos as grazas pola vosa colaboración ante a situación tan complicada que estamos a vivir desde a aparición do COVID-19 e desde o peche do centro.
Día a día, imos informar de todas as novidades que nos transmite a Consellería. Hoxe lles informámoslle das seguintes novidades:
- Prolóngase o estado de alarma (como xa anunciaron as autoridades nestes días, amplíase ata o día 11 de abril. Se non hai cambios os rapaces se incorporarían o martes 14 de abril, á volta de Semana Santa).
- Haberá avaliación do 2º trimestre tanto en Infantil, Primaria como Secundaria. A avaliación farase ao longo da semana que vén. Polo que o venres día 3 de abril as familias terán acceso os boletíns da 2ª avaliación. Poderedes consultar as notas a través da aplicación abalarMobil (introducindo o número de teléfono de contacto que tedes no centro). En caso de non poder acceder a aplicación, teredes que poñervos en contacto cos titores para que poidan enviarvos os boletíns de maneira telemática. Nunca se fará de maneira presencial.
- Axudas de comedor durante a situación de suspensión do servizo de comedor como consecuencia do COVID-19 con levantamento dos prazos de suspensión do procedemento.
Unha vez que se publique a Orde de axudas directas a usuarios gratuítos e semi-gratuítos de comedor escolar no Diario Oficial de Galicia (o vindeiro luns), os beneficiarios teñen ata o día 6 de abril para formalizar as peticións.
As solicitudes deberán tramitalas as familias por vía electrónica no portal da Xunta de Galicia. Porén, no caso de que as familias non dispoñan de coñecementos ou medios para facelo, o equipo directivo do centro prestará a súa axuda.
Neste caso necesitaremos os seguintes datos
a) Número do DNI ou NIE da persoa representante legal do alumnado (titor/a).
b) Condicións de beneficiarios de comedor nas bases de datos da Consellería.
c) Nome e apelidos do titor/a; nome, apelidos e curso dos fillos/fillas.
d) Número de conta bancaria no que se quere recibir o aboamento da axuda.
Enviar os datos ao correo electrónico cpi.padrenda.crespos@edu.xunta.es. Rogámoslles que envíen a información completa para axilizar os trámites da axuda.
Moitas grazas pola vosa atención e comprensión,
Venres 27 de marzo de 2020
O equipo directivo
