Actualidade

Espantallos e cabazas terroríficas no Samaín

Maria Alonso González

Este ano dende o Plan Proxecta “Mestres Gandeiros” queremos enxalzar os labores no agro, e que mellor que comezar coa festa do Samaín, en cuxa orixe celta celebraba o remate da colleita anual. Por iso traballamos sobre a figura dos espantallos nas nosas leiras e fixemos uns moi arrepiantes que protexeron as cabazas aterradoras das nosas familias!! Non só os paxaros se asustarán con eles!!

Samaín Infantil. Cine e palomitas

Ed. Infantil

O alumnado de educación infantil, dentro da programación destes días no que se está a conmemorar o Samaín, tivo unha agradable tarde de sesión de cine, onde ademais previamente os nenos e nenas desta etapa tamén tiveron ocasión de ver como se realizaba a elaboración de palomitas e tamén a súa posterior degustación.

Estas actividades complementaranse con outras que teñen preparadas as profesoras para o seu alumnado, como son a realización de fotos no photocall conmemorativo do Samaín.

Carreira Popular de Paradela

Felipe Barata

Boa actuación do club de atletismo do colexio na Carreira Popular de Paradela, na que tomaron parte cerca dunha ducia de atletas que desafiaron a forte choiva que caeu na citada localidade e na cal conseguiron un total de 10 podiums.

Así, deste xeito, na categoría sub 10 houbo un dominio absoluto dos nosos representantes, xa que Alex Amil lograba a primeira posición, Jorge Marqués entraba en segunda posición e Brais López subía o terceiro chanzo do pódium. No tocante á categoría sub 12 feminina, Ada Ceide vencía na mesma, e na proba masculina tamén houbo un estupendo triplete nos postos de honra, xa que David Viña conseguía gañar, sendo Hugo Penas e Leo Villadonga segundo e terceiro respectivamente.

Pola súa parte, Susana Seijas tamén vencía na categoría sub 14, mentres que na proba masculina, Hugo Ferro era primeiro e Roi Andón, segundo.

Obradoiro "Ilustración Samaín"

Sección Bilingüe

Alberto Guitián, ilustrador de Lugo. fixo un obradoiro sobre o Samain con personaxes de medo e mitológicos. No primeiro obradoiro con terceiro e cuarto baseouse nos monstros. Debuxou na pizarra un alumno e iban cambiando ou poñéndolle cousas ata convertilo nun personaxe monstruoso, pero cómico. Logo eles crearon o seu propio.

En quinto e sexto expuxo uns seres mitolóxicos. Eles escollían un e despois creárono como crían que podía ser.

Día Internacional da Biblioteca

Equipo de Biblioteca

Con motivo de conmemorar o Día Internacional da Biblioteca os asistentes á mesma no día de hoxe realizaron un círculo restaurativo onde cada un reflexionou sobre as posibilidades que nos ofrece este lugar tan emocionante e interesante. As conclusións foron representadas nun cartel en cuxa elaboración tamén participaron algúns alumnos de 1° e 3° da ESO.

Obradoiro de eduación afectivo-sexual

6º Ed. Primaria

Esta mañá o grupo de 6º de Primaria participou nun “Obradoiro de educación afectivo-sexual”. Acompañáronnos durante as dúas primeiras horas da mañá Sonia e Elena, matronas do Sergas en Lugo, que nos explicaron cunha sensibilidade e cercanía de sobresaínte a importancia da saúde sexual de todos/as nós. Saber coidarnos, respectarnos, coñecer o noso propio corpo e o dos demais… é o primeiro paso para construir unha adolescencia e unha adultez sana, libre de estereotipos e discriminacións. Foi unha experiencia enriquecedora e satisfactoria!

Esta iniciativa puido realizarse gracias á colaboración e interese do Servizo de Prevención de Condutas Adictivas dos Concellos de Begonte, Castro de Rei, Rábade, Outeiro de Rei e Friol.

Día Internacional do Artista

4º de Ed. Primaria

Cada 25 de outubro, coa celebración do Día Internacional do Artista, búscase poñer en valor e homenaxear a todos os artistas do mundo pola súa contribución á cultura e á sociedade en xeral.

Carreira Popular de Xermade

Felipe Barata

O pasado sábado 20 de Outubro disputouse a Carreira Popular de Xermade, á cal acudiron un bo número de deportistas do noso club escolar e na cal lograron un total de 3 podiums. Deste xeito, Eric Gallardo foi o máis destacado, xa que conseguía a segunda posición na categoría sub 10, mentres que Hugo Ferro e Susana López subían o terceiro chanzo do pódium na categoría sub 14/sub 16.

Tamén tomaron parte nesta proba os irmáns Leo e Borja Arias, Arai Gallardo, Iria Díaz, Brais López, Ada Ceide, Sabela Menán, Roi Andón e Martín Díaz.

Caixas de suxerencias para o Plan de Benestar e Convivencia

Dep. Orientación

En hora boa ao alumnado de Primaria, que fixo unhas caixas do correo para o concurso do Plan de Benestar e Convivencia  tan estupendas, que foi dificilísimo para o alumnado da ESO votar ás dúas finalistas. Dous representantes de cada curso viñeron expoñer a Secundaria unha pequena defensa da súa caixa, e despois procedeuse a unha votación para practicar as nosas competencias cívicas, facendo unha práctica de elección democrática. Finalmente quedarán a de 5º de Primaria no edificio de Primaria e Infantil, e a de 1º de Primaria será a caixa para suxestións, dúbidas, desexos, propostas, etc, de Secundaria.

Todas as propostas serán escoitadas, así que animámosvos a participar deixándoas nas caixas. Graciñas a todos e todas pola vosa colaboración.

Iniciación ao Billar Pool

Dep. Ed. Física

O pasado xoves 19 de outubro, o alumnado de 5º e 6º de educación primaria realizou unha máis que interesante actividade de iniciación ao Billar Pool en Adai (O Corgo), sede do club local da mesma localidade, que compite en categorías nacionais deste interesante deporte.

Esta actividade encádrase dentro do Proxecto Deportivo de Centro, que persegue dar a maior oferta deportiva aos nosos nenos e nenas. Contou coa colaboración do Servizo Provincial de Deportes de Lugo. Nesta sesión, o alumnado recibiu unha formación básica sobre os aspectos técnicos do Billar Pool e ademais puideron comprobar de primeira man as características do mesmo, sendo de gran interese para a súa formación.

Distribuir contido