Dep. Orientación

O pasado sábado 29 de febreiro deu comezo un novo obradoiro a cargo de María Barreiro, colaboradora habitual do noso centro educativo. Nesta ocasión foi coa temática da prevención de drogas para o alumnado de 3º da ESO, que durante tres sesións, que se realizarán na hora de titoria deste curso, terán unha ampla información sobre os elementos nocivos e os problemas de saúde e sociais que carrexa o consumo de drogas.
 
Esta acción enmárcase dentro do proxecto colaborador que o noso centro educativo ten co Servizo de prevención de drogodependencias e adiccións dos Concellos de Outeiro de Rei, Rábade, Castro de Rei, Begonte e Friol.

Agradecemos a súa continua e desinteresada colaboración co noso colexio e que terá continuidade con outros obradoiros a celebrar neste trimestre co alumnado de educación primaria e secundaria.

Mestres Gandeiros

Por segunda vez no presente curso escolar, a Asociación de Veciños da Órrea estivo presente no noso centro educativo para presentar o seu coñecido documental Os segadores da Órrea na Castela, no que narra as duras condicións de vida dos habitantes desta aldea do Concello de Riotorto que no verán ían a sega a Castela.

Desta volta foi o alumnado de 5º e 6º de educación primaria o que tivo a oportunidade de presenciar e debatir acerca dun documental que xa leva percorrido moitos concellos da nosa comunidade e que está a causar unha gran crítica entre a comunidade educativa e social e nos que, ademais de tratar unha temática referida o proxecto de “Mestres Gandeiros”, tamén toca de xeito moi transversal a comunicación interxeracional a través das distintas visións do traballo na infancia das distintas épocas que tiveron que vivir os protagonistas en idade escolar daquela época e os da actualidade.

 Vídeo elaborado por Educación Infantil co gallo do Día de Rosalía

Dep. Ed. Física

O alumnado de 5º e 6º de educación primaria, así como o de 3º e 4º da ESO foi partícipe dunha sesión de iniciación ao billar que tivo lugar no noso centro o pasado 27 de febreiro e que é unha continuación da sesión realizada no mes de novembro, cando o alumnado de primaria fora ao Corgo ás instalacións do Club de Billar de Adai para acercarnos máis a este novidoso deporte.

As sesións estiveron dirixidas por dous membros do Club de Billar Adai, que lles explicaron os nenos e nenas os fundamentos técnicos do mesmo. Esta sesión serviu tamén para agradecer aos membros do club a deferencia que tiveron con este centro ao deixarnos durante o presente curso unha mesa de billar, onde o noso alumnado poida xogar nos períodos de lecer e cando o considere o profesorado. Por outra parte, xa se está poñendo en marcha un torneo de billar interno entre o alumnado da ESO como parte do fomento deste deporte no noso centro educativo.

Estas accións enmárcanse dentro do Proxecto Deportivo de Centro do colexio que persegue o fomento da maior parte das especialidades deportivas e de actividade física.

Dep. Ed. Física

O pasado sábado 24 de febreiro tivo lugar en Monforte de Lemos a III Xornada da Natación do programa Xogade e na cal estiveron presentes de novo todos os nenos e nenas do equipo de natación do colexio, que como en anteriores xornadas tiveron un gran papel e poideron desfrutar das magníficas instalacións do recinto monfortino.

Por outra banda, tamén os nenos e nenas do equipo de atletismo do centro tamén tiveron protagonismo, xa que algún neno e nena se acercaron a Lugo para disputar a II Xornada da Copa Diputación de Lugo.

O máis destacado foi Adrián Marqués, que lograba a terceira posición no concurso de lanzamento de peso.

Outra que tivo unha gran actuación foi Susana Seijas, que lograba a quinta posición nos 60 metros lisos, nunha proba que contaba con máis de 50 participantes entre todas as series. Tamén tomaba parte na proba dos 500 metros lisos, onde finalizaba na cuarta posición da súa serie.

Polo que respecta ós nenos e nenas da categoría sub 12, Hugo Penas lograba o noveno posto da xeral de todas as series dos 60 metros lisos, mentres que Leo Villadonga era cuarto na súa serie e Ada Ceide era quinta na súa. Estes dous últimos tamén tomaban parte nos 500 metros lisos, onde ambos finalizaban na sétima posición nas súas respectivas series.

Dep. Ed. Física

O pasado venres 23 de febreiro tivo lugar o debut dun novo equipo xestionado íntegramente polo profesorado de educación física do noso centro. Neste caso foi o equipo de tenis de mesa, un deporte que leva xa dende comezo de curso desenrolándose no noso centro educativo, grazas á compra por parte do Concello de Friol de dúas mesas de tenis de mesa para que os nenos e nenas do colexio poidan practicar este deporte nos períodos de lecer e nas clases de educación física.

O debut tivo lugar en Chantada e celebrouse en paralelo co torneo de badminton, que tamén tivo lugar na mesma localidade e que supoñía a segunda xornada preparatoria na que tomaron parte máis de 30 alumnos e alumnas da ESO do centro e que tiveron unha destacada actuación, volvendo a ser unha vez máis o grupo máis numeroso que tomou parte neste encontro.

Os membros do equipo de tenis de mesa son:

. Categoría infantil: Alex Ares, Adam Veiga, Hugo Castro, Alan García, Anxo Moreno, Yerai Fontela, Manuel Pérez, Lucas Roca

. Categoría cadete: Iván Neira, Marcos Seijas, Oihane Gómez. 

Biblioteca  Mestres Gandeiros  EDLG

Rosalía de Castro é considerada unha das primeiras poetisas ecoloxistas de Europa, pois nas súas obras fai numerosas referencias á biodiversidade da nosa contorna e critica a tala masiva dos seus bosques. Para coñecer esta faceta de Rosalía, interactuamos dende os obradoiros da biblioteca co libro “O Herbario de Rosalía”, co que realizamos xogos de atención no que trala lectura das súas estrofas o alumnado tiña que identificar as prantas que nelas se mencionaban fixándose nas características de cada unha: as súas flores, froitos. forma das follas, cores... e como produto final elaboramos un mural expositivo. Desta forma non só afondamos sobre a obra de Rosalía senón que potenciamos a comprensión lectora, aumentamos a noso coñecemento sobre a flora e tomamos conciencia sobre o coidado da natureza. 

Mestres Gandeiros

O alumnado de 1º de Educación Primaria afondou sobre os animais domésticos, especialmente dos da granxa, ao mesmo tempo en que adentrouse no movemento artístico Pop Art a través da figura de Andy Warhol. Para iso creamos a nosa propia obra inspirándonos neste estilo pictórico de maneira cooperativa dende a materia Plástica Bilingüe. Así non só coñecemos o Arte Pop e o nome dos animais da granxa en inglés, senón que tamén traballamos a psicomotricidade fina (coloreando, recortando...) e aprendemos a facer un deseño en conxunto cos nosos compañeiros/as, respectando e tendo en consideración as aportacións alleas.

Mestres Gandeiros

O profesor da Facultade de Veterinaria de Lugo, Luís Quintela, estivo presente no noso centro educativo para impartirlles unha charla sobre o papel do veterinario na sociedade ao alumnado de 3º da ESO.

A veterinaria é unha rama da medicina dedicada á prevención, control, diagnóstico e tratamento das enfermidades que afectan aos animais domésticos e salvaxes, así como á prevención da transmisión de enfermedades animais aos humanos e garantir a seguridade alimentaria monitorizando a calidade dos alimentos e mantendo a saúde dos animais de produción.

Esta charla enmárcase dentro do programa de actividades do proxecto Mestres Gandeiros, que o noso centro está a desenrolar durante o presente curso escolar.

Antolín Martínez

Gatos y personas hemos comenzado nuestra particular relación hace más de 10000 años, aunque el origen de la relación no está muy claro. Sea como fuera, hoy es un día importante para dedicar un pequeño homenaje a este felino que nos acompaña en muchos de nuestros hogares.