![]() |
![]() |
As cousas de Casimiro |
|
|||
Ramón non se portou moi ben o día que nos visitou o avó de Noa, e contestoulle mal a Sila. Ese día levou unha nota para que na súa casa souberan o que fixera. Ao día seguinte portouse estupendamente e Ana mandoulle outra nota no caderno viaxeiro, esta vez positiva. Cando regresou o caderno á aula Ramón dixo: "Tengo que pedirle perdón a Sila por lo de el otro día", e foi á infantil A a facelo. Cando regresou díxolle a Ana: Ahora tengo que llevar una nota en conforme. |
|||
Este curso estamos recibindo as visitas das avoas e avós dos nenos e nenas. Veñen á aula e cóntannos cousas. Os dous primeiros falaron do seu traballo no mar, e o próximo en vir tamén é mariñeiro. Ana preguntoulles aos pequenos: Todos os avós van ao mar?. Roi: Non, o meu vai a un taller a Noia Sheila: E o meu vai á taberna. Roi: Sheila, a taberna no che é un traballo. |
|||
Están falando da morte e dos avós cando Candela afirma: Uno de mis abuelos está en el Cielo como el de Iván.
Roi, moi serio e acompañando a expresión coa man, responde: Candela, dise morreu.
|
|||
Paula ten tres anos e o primeiro día de curso preguntoulle a Ana se podía pintar un debuxo. Ana deixoulle e ela afirmou: "Yo no me salgo.. eh!" |
|||
Cando se repartiron as enquisas sobre a lingua, as nenas e nenos de infantil B quixeron saber se ese papel era outra vez a autorización para a excursión a Cerceda que a ANPA vai levar a cabo nos vindeiros días. Cando Ana dixo que non que era unha folla onde se lles facían preguntas as familias.<>Preguntas de que? |
|||
Ao día seguinte de que o Barcelona gañase a Copa de Europa, Ana chegou a clase e preguntou: Quen é do Barça? Pablo moi contento respondeu: eu son do Barça. Nese momento desatouse unha euforia colectiva onde todo o mundo aseguraba ser do Barça e incluso había quen dicía que era do Madrid e máis do Barça. |
|||
Neste terceiro trimestre, as nenas e nenos de Infantil B estamos a desenvolver un proxceto sobre os volcáns. Na primeira fase dese traballo as familias recibiron unha carta que as invitaba a investigar cos seus fillos e fillas onde atopar información sobre o tema. O resultado foi extraordinario porque case que todos os nenos e nenas aportaron cousas: revistas, fotocopias, libros, dvds, información baixada da internet, etc. Hai que destacar dúas achegas que mereceron a miña atención: |
|||
![RSS - As cousas de Casimiro Distribuir contido](/centros/cpicernadascastro/misc/feed.png)