CPI Plurilingüe Cernadas de Castro

    A etapa de educación infantil ordénase en dous ciclos. O primeiro comprende ata os tres anos, e o segundo, dende os tres aos seis anos de idade.

    O noso CPI só ofrece o segundo ciclo, e o seu carácter educativo está recollido no Proxecto Curricular de Ciclo.

    Neste documento articúlanse os contidos das tres áreas fundamentais, de acordo coa última lexislación existente, a LOE:

• Coñecemento de si mesmo e autonomía persoal

• Coñecemento do entorno

• Linguaxes: Comunicación e Representación

    Estas áreas deberán concibirse cun criterio de globalidade e de mutua dependencia e desenvolveranse mediante a realización de experiencias significativas para os nenos e nenas.

    A organización por áreas constitúe un instrumento para que as Profesoras de Educación Infantil sistematicen, ordenen e planifiquen a súa acción pedagóxica.

    Da mesma forma, no Proxecto curricular inclúese o sistema a seguir no período de adaptación do alumnado cando accede á escola por primeira vez.