 |
 |
A avaliación do proceso de aprendizaxe do alumnado da educación secundaria obrigatoria será continua, terá carácter formativo e orientador e será diferenciada segundo as distintas materias do currículo. Ao finalizar cada un dos cursos, e como consecuencia do proceso de avaliación, o equipo docente tomará as decisión sobre a promoción ou titulación (en 4º curso) do alumando. O alumnado promocionará ao curso seguinte cando teña avaliación negativa en dúas materias como máximo e repetirá cando sexa avaliado negativamente en tres ou máis materias. O alumnado que promocione sen ter superadas todas as materias seguirá un programa de reforzo educativo destinado a recuperar as aprendizaxes non adquiridas e deberá superar a avaliación correspondente ao devandito programa. O alumnado que non promocione permanecerá un ano máis no mesmo curso. Porén, o alumnado só poderá repetir o mesmo curso unha vez con carácter xeral, e dúas veces como máximo dentro da etapa. O alumnado que ao terminar a educación secundaria obrigatoria superase todas as materias e alcanzase as competencias básicas e os obxectivos da etapa, obterá o título de graduado en educación secundaria obrigatoria. Así mesmo, poderá obter dito título aquel alumnado que, unha vez realizadas as probas extraordinarias, finalice a etapa con avaliación negativa nunha ou en dúas materias.
|
|||
Versión para impresora
