A Consellería de Cultura, Educación e Ordenación Universitaria convoca  prazas para realizar actividades de formación en linguas estranxeiras para o alumnado no ano 2017.

·        Están destinadas ao alumnado que curse 1º, 2º, 3º ou 4º de educación secundaria obrigatoria ou 1º ou 2º de bacharelato, en centros sostidos con fondos públicos que impartan ensinanzas de réxime xeral, durante o curso 2016/17, na Comunidade Autónoma de Galicia.

• O prazo de presentación de solicitudes comeza o día 28 de febreiro e remata o día 27 de marzo.

•  Os alumnos deben cumprir os seguintes requisitos:

a) Ter superadas todas as áreas ou materias no curso 2015/16.

b) Ter acadado no curso 2015/16 e na área ou materia de Lingua Inglesa, unha cualificación mínima de «Ben» no 6º curso de educación primaria para o alumnado de 1º de educación secundaria obrigatoria, e de 6 para o de 2º, 3º e 4º cursos de educación secundaria obrigatoria e de bacharelato.

c) Non ter concedida, no presente curso académico, outra axuda coa mesma finalidade.

d) Non estar incurso nas prohibicións para obter a condición de beneficiario, recollidas na Lei 9/2007, do 13 de xuño, de subvencións de Galicia.

e) Estar en posesión do documento nacional de identidade (en diante, DNI), número de identidade de estranxeiro (en diante, NIE) ou pasaporte. No caso do alumnado menor de 14 anos que non dispoña de documento de identidade farase constar, como documento identificativo, o do pai ou da nai ou do titor ou titora legal.

Os interesados poden consultar a información correspondente á documentación que se debe presentar, os xeitos de presentación das solicitudes e a publicación das listas de admitidos na seguinte páxina web: http://www.edu.xunta.es/axudasle