ACORDO DO CONSELLO DA XUNTA SOBRE A CONTRATACIÓN DE COLABORADORES DE COMEDOR

O pasado día 15 de outubro o Consello da Xunta de Galicia autorizou como medida excepcional, que aqueles centros nos que non estean cubertas todas as prazas de colaborador de comedor, poidan utilizar para esa función a outros familiares adultos  convivintes (a parte dos pais) que residan no mesmo domicilio que o alumno.

Nestes momentos temos no colexio unha praza vacante de colaborador de comedor que podería ser ocupada por un familiar convivinte dun alumno/a, sempre e cando os pais dese alumno/a o autorizaran.

Se alguén cumpre esa condición e está interesado en realizar tarefas de colaboración no comedor, deberá acudir ao centro educativo e cubrir un impreso de solicitude.

Ata o venres 6 de novembro, poderán cubrir a solicitude no centro. No suposto que houbese máis dunha solicitude, o criterio de selección sería o de menor renda per cápita da unidade familiar. 

Achegámoslles o documento que enviou a Consellería de Educación, onde explica con maior detalle esta circunstancia excepcional.