Excursión a París (3º e 4º da ESO)
"Bonjours à tous!
A ville de l'amour foi, para o noso alumnado de francés de 3º e 4º de ESO, o escenario de percorridos e anédoctas inesquecibles.
A nosa viaxe comezou o luns 6 de maio pola tarde, cando puxemos rumbo cara a capital francesa con ganas de coñecer esta marabillosa cidade chea de historia e cultura ademais de, por suposto, practicar o idioma.
O martes 7 pola mañá o bo tempo acompañounos para subir ata o segundo andar da Torre Eiffel e recrearnos cunhas estupendas vistas da cidade. Despois paseamos ata o Trocadéro e o Champs de Mars. Pola tarde, camiñamos ata o Concello de París (Hôtel de ville), a catedral Notre Dame e o Quartier Latin. Vimos l'Université da Sorbonne, visitamos o Panthéon coa tumba de Napoléon e disfrutamos do sol no Jardin du Luxembourg.
O mércores 8 seguimos o noso itinerario por París e visitamos a primeira hora do día o museo do Louvre e as súas obras maestras. Ao saír puidemos contemplar a súa pirámide de cristal e l' Arc du Carroussel. A continuación, cruzamos o Jardin des Tuileries, a Place da Concorde onde está o Obelisco e fomos paseando ata les Champs Elysées para chegar ao Arc de Triomphe, un paseo de máis de 3,5 quilómetros de ensoño.
O xoves 9 fomos dirección Versailles onde visitamos o palacio e os seus inigualables xardíns, así como a aldea de Marie Antoinette. Pola noite dimos un paseo en Bateau- Mouche podendo disfrutar dunha panorámica de París cos seus monumentos máis emblemáticos e ver a Tour Eiffel iluminada, toda unha fermosura. Tamén houbo tempo para a festa coa Torre de testigo.
O venres 10 para rematar a nosa visita da cidade achegámonos ao barrio de Montmartre coa Basilique du Sacré Coeur. Un barrio con aires bohemios que lle dan todo o seu encanto. Pola tarde, tras estes días de grandes paseos, descubrimentos e risas, dimos por finalizada a nosa viaxe cultural a París, pero con moitas ganas de volver, e as maletas e as nosas mentes cheas de "souvenirs".
À bientôt Paris!
