Entre todos os nenos e nenas do cole construímos a Pirámide dos Alimentos, coa que descubrimos os alimentos que a forman, as cantidades diarias que temos que consumir de cada un e os ingredientes necesarios para unha dieta saudable e equilibrada.

O equipo TIC - ABALAR elaborou o paquete de actividades " Utensilios da cociña e da mesa" baseado no dicionario do mesmo nome elaborado polo alumnado de 5º.

Se non ves ben o xogo pica aquí para abrilo nunha nova xanela.

Os días 14 e 15 de maio disfrutamos no noso cole dun taller de cociña para pais, nais e alumnado que resultou ser todo un éxito, tanto polo número de participantes como polos resultados obtidos.

Tratábase de darlle unha forma divertida e lúdica a comidas elaboradas con productos básicos para a nosa alimentación e que non sempre son os que mais lles gustan aos peques: verduras, froitas, peixe...

REPETIREMOS!!

VER FOTOS CURSO DE COCIÑA PARA GRANDES E PEQUENOS 

O alumnado de 5º colaboramos no proxectos de investigación "Descifrando receitas" utilizando os nosos equipos Abalar para crear un dicionario no que se recollen distintos utensilios empregados na cociña e na mesa.

Para que poidades practicar o aprendido co proxecto de investigación "Descifrando receitas", o equipo TIC - ABALAR creou varios BrincaLETRAS.

Pica sobre o BrincaLETRAS que queiras facer.

E Infantil e 1º Ciclo

O alumnado de 3º seguimos co proxecto do cole "Descifrando receitas".

Para iso tivemos a axuda dunha mamá que nos explicou diferentes receitas da gastronomía cubana. Así como a súa cultura e outros datos moi interesantes de Cuba.

Con motivo da celebración do Día da Paz, e dado que estamos traballando as receitas, o alumnado de 6º fixo unha receita moi especial que esperamos que vos guste.

Seguindo co proxecto de investigación "Descifrando receitas", os nenos e nenas de 5º e 6º elaboramos unha receita de "Merengue Suízo".

Se queredes facela precisades os seguintes ingredientes: 3 claras de ovo, 3 culleres de azucre e 5 pingas de limón.

Comezamos botando as claras nun recipiente e batindo cunha varilla, a medida que vaia subindo engadimos o azucre e as pingas de limón sen deixar de bater ata que teña un aspecto compacto e branco.

Nos empregamos o merengue para encher uns hoxaldres que quedaron moi ricos.

VER FOTOS MERENGUE SUÍZO

Os nenos e nenas de 3º B estivemos traballando distintas receitas para o proxecto do colexio .

Estas foron as que máis nos gustaron.

Os nenos e nenas de 5º e 6º fixemos chulas de calacú dentro das actividades do proxecto de investigación "Desmenuzando receitas".

Entre todos mesturamos os ingredientes para preparar a masa e despois con moito coidado botámola na prancha.

Se queredes preparalas na casa, estes son os ingredientes e os pasos que debedes seguir:

800 gr. de calacú

100 gr de fariña

Un pouco de azucre

Un pouco de sal

8 ovos

2 cartóns de leite

1 limón

1  paquete de manteiga derretida

1 pouquiño de levadura

1 pouco de aceite

Botar nun recipiente grande o calacú cocido e mesturar con ovos. Engadir pouco a pouco o leite e seguir mesturando.

Relar o cáscara do limón e engadila á masa xunto coa manteiga.

Quentar a prancha cun pouco de aceite e con coidado verter a masa facendo un círculo pequeno.

Dar a volta ás chulas e cando estea lista sacar da prancha e botarlle un pouco de azucre por riba.

Bo proveito.

VER FOTOS CHULAS