O 5 de Xuño para conmemorar o Día Mundial do Medio Ambiente, celebramos no cole a III Carreira solidaria a favor de Cáritas Vilaxoán.

Foi unha carreira por remudas na que un pequeno corazón de peluche fixo as veces de testemuña. O alumnado de Educación Infantil tivo que dar unha volta correndo  ao redor do colexio, dúas foron as voltas que tiveron que facer os nenos e nenas de 1º, 2º e 3º de primaria mentres que o alumnado de 4º e 5º correron tres voltas.

FOTOS III CARREIRA SOLIDARIA DÍA DO MEDIO AMBIENTE

No noso cole poñémonos as lentes violetas para loitar contra a violencia machista e loitar pola igualdade.

Pica na imaxe para ver o  vídeo

Este 15 de Febreiro no Día Internacional do Cancro Infantil o noso alumnado fixo un debuxo ou escribiu unha pequena mensaxe de apoio e ánimo dirixida a nenos e nenas que están pasando esta enfermidade e que lles faremos chegar a través da asociación de axuda a nenos oncolóxicos de Galicia (ASANOG).

Vimos nas aulas a curtametraxe animada "The Fall: o amor nunca nos defrauda" na que se amosa a loita dunha nena contra o cancro.

Así mesmo, moito dos alumnos e alumnas asistiron hoxe ao centro cun pano na cabeza.

FOTOS DÍA INTERNACIONAL DO CANCRO INFANTIL

Coa intención de apoiar á illa da Palma que está sufrindo as consecuencias da erupción volcánica, decidimos celebrar os xoves do plátano durante este mes de novembro.

Ese día o alumnado trae de merenda para o recreo un saboroso plátano canario.

FOTOS XOVES DO PLÁTANO

O 11 de Xuño realizamos no cole un simulacro de incendio na que contamos coa colaboración dos bombeiros e de protección civil que para darlle un maior realismo encheron os corredores de fume.

Tras escoitar o son continuo do timbre, o alumnado abandonou as súas aulas seguindo o protocolo de emerxencia establecido e concentrouse no punto de reunión que se atopa no patio.

VER FOTOS SIMULACRO INCENDIO XUÑO 2021

O 4 de Xuño cun día de anticipación celebramos no cole o Día Mundial do medioambiente organizando unha carreira solidaria a favor de Cáritas Vilaxóan.

Segundo a idade do alumnado tiveron que dar unha, dúas ou tres voltas correndo ao redor do cole.

VER FOTOS CARREIRA SOLIDARIA DÍA MUNDIAL DO MEDIO AMBIENTE 2021

Na entrada do cole temos unha pizarra que cada semana é decorada por un curso.

Estas son algunhas das pizarras do primeiro trimestre

O pasado venres 25 de Outubro fixemos unha pequena carreira por relevos ao redor do colexio. Con ela quixemos apoiar a investigación da leucemia infantil.

VER FOTOS CARREIRA SOLIDARIA OUTUBRO 2019

O venres, 15 de Marzo o Ceip Vilaxoán fixo a súa protesta contra o cambio climático dentro do recinto escolar.

Naira recita o poema "Galicia" do que é autora.

O mércores 4 de Outubro tivemos no cole un miniconcerto realizado por membros da banda de música de Ribadumia.

A actividade comezou coa presentación dos distintos instrumentos para a continuación interpretar cancións de series de debuxos animados e de películas coñecidas.

Para poñer o punto final a banda interpretou a canción de moda deste verán "Despacito" que todos cantamos con eles.

VER FOTOS MINICONCERTO DA BANDA DE MÚSICA