CEIP Plurilingüe Santa Eulalia de Dumbría

Onte, 28 de novembro, dou comezo o obradoiro de teatro proposto polo Concello de Dumbría como actividade complementaria no noso centro para o curso de 3/4 de Educación Primaria.

Para ver o menú de decembro pinchar aquí

Estimadas familias:

Este curso o centro realizará un proxecto chamado “Dumbría 2024” que consistirá en recrear uns Xogos Olímpicos e Paralímpicos.

Nestas semanas xa fixemos unha actividade que consistía en recrear a bandeira olímpica cos cinco aros. Cada aula foi a encargada de un aro.

A seguinte actividade consistirá en que o alumnado do centro coa colaboración da súa familia elabore o logo dos nosos Xogos Olímpicos e Paralímpicos de Dumbría 2024. O pasado venres, o alumnado de Proxecto Competencial de 5º e 6º fixo unha presentación dos requisitos que debe ter o noso logo e describiu algúns exemplos para orientar a todos os seus compañeiros e compañeiras.

A data límite para que o alumnado presente a súa proposta do logo de Dumbría 2024 é o venres, 1 de decembro.

Onte, 21 de novembro, dou comezo o obradoiro de teatro proposto polo Concello de Dumbría como actividade complementaria no noso centro.

Onte, 20 de novembro, tivo lugar no noso centro para todo o alumnado o espectáculo "Novos Lobos" organizado pola ANPA "15 de maio" e a Federación Provincial de ANPAS da Coruña.

No día de hoxe, 17 de novembro, o alumnado de 3º/4º/5º/6º de Educación Primaria asistiu no Centro Social do Concello de Dumbría a unha charla divulgativa e formativa sobre o patrimonio cultural inmaterial do pobo galego.

Estimadas familias:

O vindeiro luns, 20 de novembro, todo o alumnado do centro asistirá a un espectáculo de monicreques en prol da igualdade de xénero titulado "Novos lobos" organizado a través da ANPA "15 de maio" e a Federación Provincial de ANPAS da Coruña.

O evento terá lugar nas instalacións do centro.

Estimadas familias:

Este curso 2023-2024 o noso centro colaborará coa empresa de reciclaxe Ariol para poñer en marcha unha iniciativa de reciclaxe de aceite usado de cociña chamado BIOESCOLAS.

Esta é unha actividade de reciclaxe de aceite de cociña usado dirixido ao alumnado de centros escolares de Galicia.

O funcionamento da actividade será o seguinte:

• O alumnado, a partir do día 16 de novembro, poderá traer o aceite usado de cociña de casa NUNHA BOTELLA DE PLÁSTICO PECHADA que poderá depositar nun colector específico situado dentro do colexio.
• Este aceite recollido aportará un retorno económico de 15 euros por colector que serán destinados a actividades e/ou material para o alumnado do centro.
• A maiores, participaremos nun concurso con outros colexios onde haberá 3 premios de 500, 250 e 100 euros para os tres centros que, porcentualmente, máis aceite reciclen ao longo do curso.

Desde o centro animámosvos a participar nesta iniciativa de reciclaxe de aceite usado que teñades nos vosos fogares.

Axudemos a educar medioambientalmente aos nosos nenos/as creando hábitos de reciclaxe, coa transparencia de que todos os residuos son materias primas e teñen valor.

Moitas grazas pola vosa colaboración.

Estimadas familias: 

Desde a ANPA "15 de Maio" propoñen desenvolver actividades nos recreos do comedor para un maior entretemento do alumnado debido a que hai moitos días que por mor de diferentes circunstancias meteorolóxicas non poden saír ao patio.

Para iso sería preciso saber o seguinte:

• Persoas interesadas de xeito voluntario e altruísta en participar (Horario recreo comedor: 14.00-14.50 horas aproximadamente). Deberán de traer certificado de non ter sido condenado en sentencia firme por delitos sexuais.
• Tipo de actividade que se realizaría.

As persoas interesadas poderán comunicalo a través do correo electrónico do centro: ceip.santaeulalia.dumbria@edu.xunta.gal

Publicaranse as actividades ofertadas e o prazo para que se poida anotar o alumnado interesado. Tamén se poderá inscribir o alumnado que non faga uso do servizo de comedor no día da actividade.

Atentamente,

O EQUIPO DIRECTIVO