Skip to Content

OS TIBURÓNS: VÍDEO PARA O PROGRAMA "OS BOLECHAS NO COLE"

Durante este curso participamos no programa da TVG "Os Bolechas no cole". Aínda non se emitiu o vídeo oficial na páxina dos Bolechas, pero gustaríanos amosarvos todo o que investigamos e aprendimos sobre os tiburóns!

OS TIBURÓNS: VÍDEO PARA O PROGRAMA "OS BOLECHAS NO COLE" - YouTube

 

 

MODIFICACIÓN DOS CRITERIOS DO CENTRO SOBRE A AVALIACIÓN E A PROMOCIÓN DO ALUMNADO

Adxúntase e a modificación da concreción curricular do centro tendo en conta o establecido na ORDE do 25 de xaneiro de 2022, pola que se actualiza a normativa de avaliación no ensino de Educación Primaria, Educación Secundaria e Bacharelato no sistema educativo de Galicia.

PRAZO DE MATRÍCULA, DO 20 AO 30 DE XUÑO

Os alumnos/as de novo ingreso admitidos formalizarán a súa inscrición na secretaría do colexio.

A documentación a presentar para a formalización da matrícula é a seguinte:

- Impreso de matrícula (cubrir no centro).

- Impresos de autorizacións (cubrir no centro).

- Impreso de pregunta ás familias do alumnado de 4º nivel de E.Infantil sobre a lingua materna (cubrir no centro).

- 2 Fotografías tamaño carnet.

- Fotocopia do libro de familia.

- Fotocopia do DNI (do alumno e de ambos proxenitores).

- Informe médico

- Fotocopia tarxeta sanitaria. 

- Fotocopia da cartilla de vacinacións. 

- Certificado de convivencia expedido polo concello e que acredite o domicilio de todos os membros da unidade familiar.

- Convenio regulador ou resolución xudicial de separación xudicial ou divorcio, de ser o caso. 

V CERTAME DE DEBUXO E POESÍA AVELINO DÍAZ

 

Categoría A)

1º PREMIO:  Iago López López co debuxo "Superpataca salva a Avelino".

2º PREMIO: Aitana Salgado Reimondo co debuxo, "O meu cole".

 

Categoría B)

2º PREMIO: Alejandro Reigosa Ramallal co poema "Os meus queridos animais".

3º PREMIO: Alicia Linares González  co poema "A paisaje floreada".

 

NORABOA AOS GAÑADORES! E NORABOA TAMÉN A TODOS OS PARTICIPANTES POLOS SEUS EXCELENTES TRABALLOS!

 

Desde a Asociación Avelino Díaz agradecen a alta participación e felicitan ao alumnado pola calidade dos traballos presentados.

A entrega de premios será o SÁBADO 11 DE XUÑO ÁS 19:00 HORAS, no Salón de Plenos do Concello de Meira. Convídase a toda a Comunidade Educativa a este acto.

 

Unha aperta!

 

 

MENÚ ESCOLAR DO MES DE XUÑO

                                                               Estimadas familias,

Adxúntase o menú do comedor escolar para o mes de xuño.

OBRADOIRO NORMAS E LIMITES

Estimadas familias,

 O mércores 8 de xuño, ás 16:00 horas terá lugar no CEIP Riotorto o obradoiro "Normas e límites" dirixido ás familias con alumnado entre 0 e 10 anos.

Imparte o obradoiro a psicóloga do Centro de Información Mulleres de Mondoñedo, María del Carmen Rey Castro.

II XORNADAS DE ATENCIÓN TEMPERÁ - Concello de Mondoñedo

FONDO LIBROS 2022-2023

FONDO SOLIDARIO DE LIBROS DE TEXTO E AXUDAS PARA ADQUIRIR LIBROS DE TEXTO E MATERIAL ESCOLAR 

No DOG do 18 de maio de 2022, saiu publicada a Orde do 29 de abril de 2022, pola que se regula a participación no fondo solidario de libros de texto e se convocan axudas para adquirir libros de texto e material escolar destinadas ao alumnado matriculado en educación primaria, educación secundaria obrigatoria e educación especial en centros docentes sostidos con fondos públicos para o curso escolar 2022-2023.

 

NORMAS XERAIS

- O prazo de presentación de solicitudes será do 19 ao 22 de xuño.

- So se presentará unha única instancia para todos os fillos/as admitidos no mesmo centro para o curso 2022-2023.

- As solicitudes pódense presentar das seguintes formas:

 

DOCUMENTACIÓN A PRESENTAR

  • Anexo I (asinado polos dous proxenitores)
  • Anexo II (para a comprobación dos membros computables da unidade familiar, agás o solicitante).
  • Copia do libro de familia.
  • En caso de separación ou divorcio, débese achegar a sentenza xudicial e/ou convenio regulador onde conste a atribución da custodia do menor.
  • Certificado acreditativo do grao de discapacidade.

 

PRAZOS

  • 21 DE XUÑO: Data límite para a entrega dos libros do fondo emprestados neste curso 2021-2022
  • 22 DE XUÑO: Data límite para a entrega da solicitude e documentación para as axudas para os libros do curso 2022-2023.
  • 27 DE XUÑO: Publicación da resolución provisional no taboleiro do centro.
  • 28 E 29 DE XUÑO: Período de reclamación á adxudicación provisional.
  • 30 DE XUÑO: Publicación da relación definitiva no taboleiro do centro.
  • DO 4 AO 8 DE XULLO: Entrega dos vales de libros e material aos solicitantes que teñen dereito.
  • PRIMEIROS DÍAS DE SETEMBRO: Entrega de libros asignados ao alumnado.

ADMISIÓN ALUMNADO PARA O CURSO 2022-2023

Prezadas familias,

 

Rematado o prazo de presentación de solicitudes de admisión para o curso 2022-2023, presentáronse:

- 5 soliciutudes para 4º de Educación Infantil.

Todas as solicitudes quedan admitidas.

O prazo de formalización da matrícula será do 20 ao 30 de xuño.

DÍAS NON LECTIVOS ELIXIDOS POR ESTE CENTRO

Familias:

Lembrámosvos o seguinte:

Os días NON LECTIVOS elixidos por este centro educativo son os seguintes:

  • 7 DE DECEMBRO DE 2021
  • 16 DE MAIO DE 2022

  

Unha agarimosa aperta!

Distribuir contido


by Dr. Radut