FONDO SOLIDARIO DE LIBROS DE TEXTO E AXUDAS PARA ADQUIRIR LIBROS DE TEXTO E MATERIAL ESCOLAR
No DOG do 18 de maio de 2022, saiu publicada a Orde do 29 de abril de 2022, pola que se regula a participación no fondo solidario de libros de texto e se convocan axudas para adquirir libros de texto e material escolar destinadas ao alumnado matriculado en educación primaria, educación secundaria obrigatoria e educación especial en centros docentes sostidos con fondos públicos para o curso escolar 2022-2023.
NORMAS XERAIS
- O prazo de presentación de solicitudes será do 19 ao 22 de xuño.
- So se presentará unha única instancia para todos os fillos/as admitidos no mesmo centro para o curso 2022-2023.
- As solicitudes pódense presentar das seguintes formas:
- Presentándoas no CENTRO: recollendo o modelo e cubrindo os anexos correspondentes no centro ou cubrindo o Anexo I e Anexo II na aplicación FondoLibros, imprimíndoa e xerando a solicitude para presentar no centro.
- Presentando as solicitudes na SEDE ELECTRÓNICA DA XUNTA DE GALICIA.
DOCUMENTACIÓN A PRESENTAR
- Anexo I (asinado polos dous proxenitores)
- Anexo II (para a comprobación dos membros computables da unidade familiar, agás o solicitante).
- Copia do libro de familia.
- En caso de separación ou divorcio, débese achegar a sentenza xudicial e/ou convenio regulador onde conste a atribución da custodia do menor.
- Certificado acreditativo do grao de discapacidade.
PRAZOS
- 21 DE XUÑO: Data límite para a entrega dos libros do fondo emprestados neste curso 2021-2022
- 22 DE XUÑO: Data límite para a entrega da solicitude e documentación para as axudas para os libros do curso 2022-2023.
- 27 DE XUÑO: Publicación da resolución provisional no taboleiro do centro.
- 28 E 29 DE XUÑO: Período de reclamación á adxudicación provisional.
- 30 DE XUÑO: Publicación da relación definitiva no taboleiro do centro.
- DO 4 AO 8 DE XULLO: Entrega dos vales de libros e material aos solicitantes que teñen dereito.
- PRIMEIROS DÍAS DE SETEMBRO: Entrega de libros asignados ao alumnado.
