Actividades.

Polo Samaín, os nenos e nenas de quinto estiveron investigando sobre as costumes e lendas que hai en Galicia ao redor desta data. Con toda a información recadada quixeron elaborar uns informativos  para dar a coñecer a nosa cultura que é tan importante como a que nos ven cada vez máis imposta desde outros países lonxanos. Coñezamos e valoremos as nosas costumes e cultura para que permanezan no legado.

Preme na seguinte ligazón para acceder á lista de reprodución dos informativos: INFORMATIVOS "SAMAÍN"  

Competencias: CCL, CPSAA, CD, CE, CCEC 

Materias: Lingua galega, ciencias socias, ciencias naturais.

Un Samaín máis intercambiamos postais con todos os centros de primaria do noso  concello : CEIP Plurilingüe de Oca , CEIP do Foxo , CEIP Cabada Vázquez , CEIP Villar Paramá e CEIP de Figueroa. Tamén enviamos postais e cartas ao CEIP Barrié de la Maza de Santa Comba e ao CEIP de Pedrouzos.

O alumnado de quinto de Ed. Primaria fixo unha tarefa en relación á visualización da película galega "Salta". En primeiro lugar preparou unha enquisa dirixida ás familias para extraer datos de como mudou o comportamento e hábitos socias entre os anos nos que dircorre a película (1945,1985) e actualidade. A continuación recolleron os datos da enquisa e fixeron unha gráfica que reflicte o cambio social en relación á lingua falada e aos xogos que se empregan no tempo de lecer. Despois foron ao cine, alí ademais de ver a película e fixarse nos detalles de como mudou a sociedade nas tres épocas nas que discorre a trama, socializaron entre as tres aulas tendo un tempo de lecer en común. Para finalizar fixeron unha entrevista á directora da película Olga Osorio. Algún deles será o próximo director ou directora de cine?

Competencias: CCL, CPSAA, CE, STEM

Materias: Lingua galega, matemáticas, ciencias socias.

Suso e Xián, da agrupación Tequexetéldere,  estiveron hoxe conosco para falarnos dos instrumentos tradicionais: requinta,cunchas,zanfona,caixa, acordeón, gaita...

 Foi moi interesante e gustounos moito.