QUE é un Mestre/a de Audición e Linguaxe (AL)?
➖ É un especialista en promover e desenvolver a prevención dos problemas de linguaxe, potenciar as capacidades comunicativo-lingüísticas e intervir nas dificultades específicas de linguaxe contextualizando o seu labor coas características propias de cada centro educativo.
2️⃣. ONDE desenvolvemos as nosas funcións?
No ámbito educativo e, por tanto, na maior parte das súas etapas: Educación Infantil, Primaria, Básica Obrigatoria ou Secundaria, TVA, FP...
3️⃣. Con QUEN traballamos?
Con todo o alumnado, en especial aquel que presenta dificultades comunicativo-lingüísticas. Tamén con todo o profesorado e as familias.
4️⃣. COMO O FACEMOS?
➖Participando nos proxectos do centro.
➖Asesorando e colaborando co profesorado e familias.
➖Proporcionando recursos, materiais e ferramentas
➖Organizando e estruturando espazos e tempos.
➖Elaborando medidas de atención á diversidade.
➖Promovendo a inclusión e a eliminación de barreiras.
➖Previndo, avaliando e intervindo as dificultades comunicativo-lingüísticas
5️⃣. POR QUE somos necesarios?
Porque sen o noso asesoramento, avaliación, intervención, apoio, colaboración, etc. ➡️ os dereitos do alumnado poden ser vulnerados, freando a inclusión e eliminación de barreiras nos centros.
