Actividades

FESTA DE CURSO ANPA   |   2021-22   |   LAVACOLLA
ANPA LANDRAS

Estimadas familias!

Este venres 17 a partir das 16:00h teremos unha pequena festa de fin de curso organizada pola ANPA. Teremos un monte de xogos, música, merenda e refrescos. 

Se vos apetece cubrir unha breve enquisa para axudarnos a organizala, sería de moitísima axuda. Tedes o link no Abalar enviado onte.

Moitísimas grazas e ata o venres!

Bo día familias.

Oficialmente dase comezo as actividades extraescolares do presente curso 2021-2022 o próximo martes 2 de novembro.

Tendes aquí axunto o protocolo que as regula aprobado no último Consello Escolar, de obrigado cumprimento para todas.

Todas as familias que participedes, debedes enviarnos firmado obrigatoriamente o anexo I, tendes que facer diariamente a enquisa do anexo II, e quen queira rogamos nos enviedes firmado o anexo IV de cesión de imaxes das crías só para fins propios da Anpa.

Será cada empresa quen facture ou xire o cargo mensual a cada familia. No protocolo tendes os seus contactos.

No protocolo especifícase por onde se entra e sae para cada actividade. Lembrade que veñan as crías cunha terceira mascarilla (a parte do kit de reposto) e a súa botella de auga. O primeiro día de cada actividade estará alguén da Anpa por alí para calquera dúbida que teñades.

As familias cuxas crías queden ó comedor e logo vaian a algunha actividade extraescolar directamente, sen vir da casa, teñen que informar por escrito ó persoal do comedor para que este poida entregar ás crías o monitor correspondente. A empresa de comedor terá unha listaxe das actividades que comezan ás 16:30 para o seu control, pero as familias deben informarlles igualmente,

Un saúdo e que poidamos desfrutar de novo desta actividade.

Anpa Landras do CEIP Mestre Rodriguez Xixirei de Lavacolla

Familias!!!

Convidámosvos de novo a participar nas actividades de promoción da igualdade destes vindeiros días nas que as nosas crías xa están traballando e experimentando no colexio! Sabemos que estades a tope e intentamos facilitar a asistencia cunha conexión online que non require mais que pinchar un enlace.

Será HOXE xoves 14 de Outubro de 17:00 a 18:00, enviarase hoxe o enlace por Abalar.

A entidade Aventeira propón esta segunda sesión para as familias:

“Cómo actuar coa rapazada”

-  Ofrecer estratexias para afrontar o crecemento: xestión de emocións, autoconcepto, autoestima, responsabilidade, liberdade e xuízo crítico.

Anpa Landras do CEIP Mestre Rodriguez Xixirei de Lavacolla

Familias!!!

Convidámosvos a participar nas actividades de promoción da igualdade destes vindeiros días nas que as nosas crías xa están traballando e experimentando no colexio! Sabemos que estades a tope e intentamos facilitar a asistencia cunha conexión online que non require mais que pinchar un enlace.

Será HOXE venres 08 de Outubro de 17:00 a 17:45.

A entidade Aventeira propón esta primeira sesión para as familias:

Cómo son os rapaces e rapazas ao longo do seu crecemento?

- Coñecer os rasgos principais que definen á rapaza e a pre-adolescentes.
- Entender os cambios que están experimentando: funcionamento biolóxico, sentimentos,
emocións, formas de relacionarse cos demais.

Anpa Landras do CEIP Mestre Rodriguez Xixirei de Lavacolla