A nosa benvida ao CEIP Martagona 
Localización, Dependencias, Organigrama, Consello escolar, Profesorado, Secretaría
Reserva de praza do alumnado de 6º de Educación Primaria para o IES de Melide
Reserva de praza para o IES
O alumnado de 6º que desexe reservar praza para cursar os seus estudos no IES de Melide o vindeiro curso académico poderao facer desde o día 15 de xaneiro ata o 5 de febreiro (ambos os dous incluídos).
A reserva de praza efectuarana as familias cubrindo o ANEXO I e entregándoo despois na Secretaría do noso Centro. Tamén a poderá traer cuberta o propio alumnado na carpeta que se lles proporciona coa documentación.
Pinchando nos enlaces que van a continuación accederán á descarga do Anexo.
Tamén poderán facer a solicitude de reserva de xeito telemático a través da aplicación admisiónalumnado no menú Solicitudes > Admisión > Crear
PROGRAMACIÓNS DIDÁCTICAS 2023-2024
Clica sobre as diferentes imaxes para poder acceder ás programacións de cada nivel.
LIBROS DE TEXTO
preme no texto coloreado para acceder á relación de libros do vindeiro curso académico
FONDO SOLIDARIO DE LIBROS E AXUDAS DE LIBROS E DE MATERIAL ESCOLAR
FONDO SOLIDARIO DE LIBROS E AXUDAS DE LIBROS E DE MATERIAL ESCOLAR
Na ORDE do 10 de maio de 2023 (DOG nº 94 do venres 19 de maio) regúlase a participación no fondo solidario de libros de texto e convócanse axudas para adquirir libros de texto e material escolar destinadas ao alumnado matriculado en educación primaria, educación secundaria obrigatoria e educación especial en centros docentes sostidos con fondos públicos, para o curso escolar 2023/24.
BENEFICIARIAS
Aquelas familias con alumnado matriculado en centros docentes da Comunidade Autónoma de Galicia sostidos con fondos públicos nas modalidades de gratuidade solidaria que se relacionan a seguir:
a) Fondo solidario de libros de texto para o alumnado matriculado en 3º, 4º, 5º e 6º de educación primaria (EP), e en 1º, 2º, 3º e 4º de ensinanza secundaria obrigatoria (ESO).
b) Axudas para adquirir libros de texto destinadas ao alumnado matriculado en 1º e 2º de EP, e en educación especial (EE), así como as axudas que pode recibir o alumnado incluído na disposición adicional primeira da orde.
c) Axudas para material escolar destinadas ao alumnado matriculado en Ed. Primaria, ESO e EE.
PRESENTACION DAS SOLICITUDES
Do 20 de maio ao 21 de xuño de 2023, ambos os dous incluídos.
Pódese facer:
-
De xeito telemático: Enlace á Web (Modelo ED330B. Anexos I e II)
-
De xeito presencial: No horario de Atención ao Público do Equipo Directivo, exposto tanto no taboleiro de anuncios do Centro como na Web.
DOCUMENTACIÓN NECESARIA
Anexo I (solicitude)
Anexo II (comprobación de datos dos membros computables da unidade familiar)
Copia do libro de familia ou documento equivalente, onde figuren o alumno e os demais membros da unidade familiar.
En caso de separación ou divorcio, tamén se achegará a sentenza xudicial e/ou convenio regulador onde conste a atribución do/da menor.
Certificado de discapacidade do/da alumno/a ou calquera membro da familia non expedido pola Administración.
Certificado de convivencia/volante de convivencia ou informe dos servizos sociais ou do órgano equivalente do Concello onde resida a familia, no caso de que o pai/nai/titor/a legal carezan de DNI e/ou NIE.
ADMISIÓN 2023-2024
ADMISIÓN ALUMNADO CURSO 2023-2024
Proceso regulado na Orde do 21 de outubro de 2022 pola que se desenvolve o Decreto 13/2022, do 3 de febreiro, e se regula o procedemento de admisión do alumnado nos centros docentes sostidos con fondos públicos que imparten ensinanzas de segundo ciclo de educación infantil, de educación primaria, de educación secundaria obrigatoria e de bacharelato (código de procedemento ED550B).
PRAZO DE PRESENTACIÓN DAS SOLICITUDES DE ADMISIÓN DO ALUMNADO: Do 1 ao 20 de marzo (ambos os dous incluidos)
Pode realizarse de dúas maneiras:
1. Na Secretaría do Centro, entregando a seguinte documentación:
- Anexo II, de admisión do alumnado
- Fotocopia do libro de familia ou equivalente (no que figure o/a alumno/a e demais membros da unidade familiar)
- Fotocopia do DNI do alumno/a (se o tivera) e do pai/nai/titores legais
- Certificado de empadroamento
- Resolución de sentenza de separación ou divorcio (se fose o caso) coa sinatura de ambos proxenitores
Descargar Anexo II en castellano
2. On line, a través da aplicación informática "admisión alumnado", ao que podes acceder pinchando no seguinte enlace:
https://www.edu.xunta.gal/admisionalumnado/
2º cheque para material escolar
Segundo a Resolución do 5 de outubro de 2022, publicada no DOG o 14 de outubro, amplíase a axuda para adquirir material escolar, regulada na Orde do 29 de abril de 2022.
Nesta resolución establécese que o alumnado que foi beneficiario do vale de 50 euros recibirá un vale adicional de 25 euros.
As familias poderán recoller os vales dos seus fillos e fillas no Centro, no seguinte horario:
- os martes, de 12:05 a 12:55 horas.
- os mércores, de 8:45 a 9:30 horas.
- todos os días, agás o venres, de 13:50 a 14:00 horas.
Horario Equipo Directivo
O horario do Equipo Directivo é o que aparece recollido no seguinte cadro. Prégase acudir ao centro para realizar calquera xestión nas horas indicadas.
INICIO DE CURSO 2022/2023
Estimadas familias,
O equipo docente do CEIP Martagona quere darvos a benvida a este novo curso académico desexando un bo transcurso do mesmo.
Un cordial saúdo.
