A nosa benvida ao ceip Martagona!

AXUDAS PARA MERCAR MASCARILLAS

AXUDAS PARA MERCAR MASCARILLAS

Orde do 28 de outubro de 2021 pola que se regulan os criterios e o procedemento de distribución de máscaras entre o alumnado matriculado en educación primaria, educación secundaria obrigatoria e educación especial en centros docentes públicos dependentes desta consellería e en centros privados concertados no curso 2021/22 (código de procedemento ED330E) Diario Oficial de Galicia nº 218, do venres 12 de novembro de2021.

 

ALUMNADO DESTINATARIO

Alumnado matriculado en educación primaria, educación secundaria obrigatoria e educación especial:

1.    

O alumnado que recibiu  axuda de material escolar no curso 2021-22 nonten que presentar a solicitude

2.    

O alumnado que non foi beneficiario da axuda de material escolar no curso 2021-22 e que cumpra algunha das seguintes condicións ten que presentar a solicitude:

• Que pertenza a unha familia cunha renda per cápita igual ou inferior a 6.000 €.
• Alumnado matriculado en educación especial.
• Alumnado suxeito a tutela ou garda da Xunta de Galicia.
• Alumnado cun grao de discapacidade igual ou superior ao 65%.

PRAZO DE PRESENTACIÓN

Será de 10 días hábiles a partir do seguinte á publicación no Diario Oficial de Galicia, é dicir,do 15 ao 26 de novembro de 2021.

Forma de presentación da solicitude: Unicamente de forma presencial no centro, con cita previa.

MAGOSTO E PEÓN 2021

O pasado venres, 12 de novembro, celebramos no noso Centro o Magosto e tamén o día do Peón. Nenas e nenos participaron nun circuíto de actividades arredor do eixo motivador do Magosto. Como non podía ser doutro xeito, comeron as castañas e ao final da xornada participaron no tradicional concurso do lanzamento de peón. Todo o alumnado levou para a casa un pequeno agasallo conmemorativo e, ademais, as gañadoras e gañadores, o correspondente diploma acreditativo.

As familias recibiron por Abalarmobil unha ligazón para visualizar unha pequena montaxe de vídeo.

 

 

FAI CLIC AO TEU BOCATA

As nenas e nenos de Educación Primaria do noso Centro participaron no día de hoxe no obradoiro nomeado "Fai clic ao teu bocata", co obxectivo de fomentar hábitos alimentario saudables, e tamén dar a coñecer e fomentar o consumo dos produtos en conserva existentes en Galicia.

 

Podedes ver a continuación un pequeno vídeo.

 

 

 

ELECCIÓNS AO CONSELLO ESCOLAR

PREME NA IMAXE PARA ACCEDER Á INFORMACIÓN RELACIONADA

COAS ELECCIÓNS AO CONSELLO ESCOLAR

SAMAÍN 2021

Como é habitual, celebramos no centro o Samaín. Nenas e nenos decoraron as distintas estancias do centro, e en especial o porche, con arrepiantes cabazas; decoráronas na casa, utilizando técnicas variadas, produtos do outono...

Ademais, as mestras de Educación Infantil prepararon un conto e unha actividade moi chula!

Esperamos que disfrutedes do seguinte vídeo!

 

VOLTA AO COLE

 

Prezadas familias. Como ben sabedes, o próximo xoves, 9 de setembro, iniciamos o curso escolar. Xa vos comunicamos a organización dese primeiro día de clase.

Esperámosvos!!!

LISTAXE DE LIBROS DE TEXTO 2021-2022

PREMEDE NA IMAXE PARA DESCARGAR A LISTAXE DE LIBROS DE TEXTO PARA O VINDEIRO CURSO ACADÉMICO 2021-2022 PARA OS TRES NIVEIS DE EDUCACIÓN INFANTIL E 1º E 2º DE EDUCACIÓN PRIMARIA.

O RESTO DOS NIVEIS DE EDUCACIÓN PRIMARIA UTILIZARÁN OS LIBROS DO FONDO DO CENTRO.

APERTURA DO PRAZO DE FORMALIZACIÓN DE MATRÍCULA

INFORMAMOS DE QUE ESTÁ ABERTO O PRAZO DE FORMALIZACIÓN DE MATRÍCULA PARA O ALUMNADO ADMITIDO NO NOSO CENTRO PARA O PRÓXIMO CURSO 2021/22.

 

DO 20 AO 30 DE XUÑO

FONDO SOLIDARIO DE LIBROS E AXUDAS DE LIBROS E DE MATERIAL ESCOLAR 2021-2022

Vense de publicar a Orde do 6 de maio de 2021 (DOG. nº 93 do xoves 20 de maio), que regula a participación no fondo solidario de libros de texto e se convocan axudas para adquirir libros de texto e material escolar destinadas ao alumnado matriculado en educación primaria, educación secundaria obrigatoria e educación especial en centros docentes sostidos con fondos públicos.

 

BENEFICIARIOS/AS

Aquelas familias con alumnado matriculado en centros docentes da Comunidade Autónoma de Galicia sostidos con fondos públicos nas modalidades de gratuidade solidaria que se relacionan a seguir:

  • Fondo solidario de libros de texto do alumnado matriculado en 3º, 4º, 5º e 6º de Educación Primaria, e en 1º, 2º, 3º e 4º da Ensinanza Secundaria Obrigatoria.

 

  • Axudas para adquirir libros de texto destinadas ao alumnado matriculado en 1º e 2º de Educación Primaria, e en Educación Especial, así como as axudas que pode recibir o alumnado incluído na Disposición Adicional I da nomeada Orde.

 

  • Axudas para material escolar destinadas ao alumnado matriculado en Educación Primaria, Educación Secundaria Obrigatoria e Educación Especial.

 

PRESENTACIÓN DE SOLICITUDES

  • O prazo permanecerá aberto ata o martes, 22 de xuño de 2021 (incluído).

 

  • Pódese facer:
  1. De xeito telemático, na seguinte ligazón: https://www.edu.xunta.es/fondolibros/
  2. De xeito presencial, cubrindo a documentación que o alumnado levará dentro dun cartafol; unha vez cumprimentada será devolta ao Centro.

Se tedes algunha dúbida podedes contactar co Centro.

Powered by Drupal - Design by artinet