Ed. física

O alumnado do noso centro acaba de ser galardoado co distintivo de calidade de centros docentes "Selo Vida Saudable". Este é un premio nacional que outorga un recoñecemento público aos centros que fomentan a aprendizaxe da saúde no ámbito educativo, así como a dinamización de prácticas de vida saudable e unha educación física que permita o adecuado desenrolo persoal e social ao largo da escolarización dos alumnos/as.

Dende o centro, gustaríanos que o ALUMNADO fose coñecedor de que o seu esforzo foi recompensado, agradecendo a participación de toda a comunidade educativa no citado proxecto educativo.

A validez da concesión do distintivo «SELLO VIDA SAUDABLE» a un centro docente estenderase con carácter indefinido sempre que por parte dos devanditos centros mantéñase o cumprimento das condicións e requisitos que deron lugar á súa concesión.

Como centro debemos asumir os seguintes compromisos:

• Expoñer na súa sede e locais o distintivo concedido ao centro docente.
• Utilizar o selo na documentación propia do centro docente, así como, no seu caso, nas súas relacións comerciais e publicitarias, atendendo ao cumprimento da normativa aplicable, en particular, en materia de publicidade. 

Dende o centro tratamos de fomentar a práctica de actividade física dentro duns parámetros educativos, polo que este mes de xuño levamos a cabo noso “mes saudable”.

Para iso, as actividades propostas foron as seguintes:

• Xornada de convivencia en Sobrado entre o CEIP Plurilingüe Virxe do Portal e o noso centro. Pódese consultar a información premendo AQUÍ enriba.
• Ligas internas entre o alumnado de primaria, intentando aportar estratexias deportivas durante os recreos. Premendo enriba da imaxe terás acceso a galería de imaxes.

• Xornada de inchables: o alumnado do centro desfrutou dunha xornada lúdica no polideportivo municipal. Organizouse a actividade en dúas quendas: 10 – 11:30 h (Educación Infantil, 1º e 2º); 11:30 – 13:00 h (3º, 4º, 5º e 6º). Premendo enriba da imaxe terás acceso a galería de imaxes.

• Break Out Educativo: o alumnado de primaria tivo unha sesión de Educación Física ambientada nun núcleo temático.

Esta semana o alumnado de 3º e 4º de Educación Primaria desfrutou da xornada de convivencia en Sobrado; entre o CEIP Plurilingüe Virxe do Portal e o noso centro, sendo o principal obxectivo o fomento da práctica de actividade física.

O alumnado saíu ás 09:45 dende o noso centro, para que a xornada puidera comezar ás 10:30 h, tal e como estaba previsto. Unha vez alí, a xornada organizouse en dúas partes na que o alumnado se dividiu en 14 equipos mixtos. Por un lado, unha zona de deportes colectivos e alternativos (tchoukball, pickleball, floorball e netball), onde cada centro era experto en dous deses deportes, explicándolle ao resto dos compañeiros/as o regulamento principal.

Por outro lado, tiveron que unha serie de retos deportivos onde puxeron en funcionamento as súas habilidades deportivas, tentando superalos para descifrar un contrasinal que lles daría acceso a unha recompensa deliciosa.

Premendo enriba da seguinte imaxe poderás consultar a galería de fotografías da xornada.

A participación no Proxecto de Vida Activa e Deportiva (PVAD) fomenta que o centro estea incluído na sub-modalidade DAFIS, a cal consiste na aplicación dunha batería de probas psicomotores que serven para determinar unha valoración física.

Preme AQUÍ para ver as imaxes dese día.

Coa publicación da nova guía (publicada este 2023) podemos determinar o nivel de saúde do que dispón cada alumno/a, e para iso, o alumnado de 5º e 6º actuaron como docentes por un día, sendo os/as encargados/as de valorar aos niveles de 1º e 2º.

 Unha organización levada a cabo con toda a profesionalidade posible. Parabéns polo esforzo!

Os CEIPs de Melide decidimos organizar unha xornada de convivencia para o alumnado de 5º e 6º, co obxectivo de desfrutar de actividades de cooperación, aproveitando tamén para coñecer a diferentes compañeiros/as.

A xornada comezou ás 10:00 h, facendo unha pequena pausa para merendar ás 11:15 h e rematando ás 13:45 h. 

O alumnado estaba dividido en 10 grupos internivel (os 3 centros mesturados). Foron pasando polas diferentes actividades propostas dende os centros, coñecendo como traballan a materia de Educación Física os diferentes mestres, tendo todo tipo de experiencias.

Unha xornada que de seguro repetiremos en vindeiras ocasións.

Este 30 de xaneiro, Día da Paz, o alumnado do noso centro aproveitou para facer exercicio físico nunha carreira de carácter solidario, a cal tamén serviu para colaborar coa asociación “Unoentrecienmil”, a cal ten como obxectivo principal a loita constante contra a leucemia infantil.

Agradecer ao GRUPO JIM SPORTS pola cesión do arco de saída, e a todos os pais e nais que axudaron a cortar o tráfico para que se puidera levar a cabo a carreira con seguridade. Unha vez máis, moitas grazas a ANPA do centro pola súa colaboración.

O pasado venres día 2 de decembro o alumnado de 3º, 4º, 5º e 6º desprazouse ata circuíto da área recreativa da MAGDALENA en CASTROFEITO - O PINO para participar na modalidade Xogade (campo a través), a cal se enmarca dentro do proxecto de vida activa e deportiva (PVAD).

Foi unha xornada lúdica e de convivencia na que compartimos experiencias con outros centros.

Na seguinte entrada trátase de explicar o proxecto de saúde que levaremos a cabo no centro, o cal está vinculado á materia de Educación Física e que concorre ao abeiro do plan de vida activa e deportiva (resolución do 20 de maio de 2022; plan proxecta +), proxecto no que nos confirmaron a aceptación da nosa solicitude a pasada semana.

Tal e como recolle o artigo 35 do Decreto 155/2022, do 15 de setembro o centro ten a obriga de integrar o plan de saúde no marco do proxecto educativo de centro (artigo 121; LOMLOE). Dito plan terá como principal obxectivo a posta en marcha de mecanismos para introducir e consolidar hábitos de vida saudábeis. 

Nos meses de setembro e outubro levamos a cabo a avaliación inicial (orde do 20 de maio de 2022) a través de diferentes probas sociomotrices e tamén, de observación, as cales nos permitiron darlle forma e seleccionar as dinámicas que entendemos que son máis apropiadas segundo a situación deste centro en concreto.

As dinámicas que se levarán a cabo serán as seguintes:

• Dinamización do proxecto “piEFcitos”: ambientarase a materia nun núcleo temático que está vinculado á área de ciencias sociais. Coñecerán de forma guiada as diferentes partes do territorio español a medida que avanzamos no traballo dos contidos psicomotores.
• Participación no plan “Xogade”: esta modalidade está vinculada ao comunmente chamado “deporte escolar”. A proba na que se participará a día de hoxe é o campo a través que se celebrará o 2 de decembro en O Pino para o alumnado de 3º, 4º, 5º e 6º.
• Participación nas modalidades do PVAD: DAFIS, móvete + e, mais e mellor actividade física.
• Gardas activas / descansos activos: as ausencias do profesorado que teña que cubrir o docente de Educación Física, alternaremos o traballo indicado polo docente ausente con breves descansos psicomotores (4 minutos) co obxectivo de activar cognitivamente ao alumnado, tratando de estimular o hipocampo cerebral para minimizar os momentos de desconcentración.
• Xornadas de convivencia: están previstas xornadas nas que os centros de Melide desfruten de actividades lúdicas de forma conxunta. Ao ser a primeira vez que se tratan de pór en marcha, serán levadas a cabo cos cursos altos, coa intención de que nos vindeiros anos se poida ampliar a máis niveis.
• Visitas inclusivas: concertaranse visitas ao centro por parte de persoas vinculadas a diferentes modalidades deportivas. Para comezar, o vindeiro 13 de decembro estará connosco Álex Ferradás, membro da asociación “Working Wheels” (asociación cultural que traballa pola integración social e a accesibilidade). Teremos unha xornada de deporte inclusivo na que o alumnado experimentará situacións propias de persoas con determinados graos de discapacidade.
• Xogos de primavera: levaranse a cabo campionatos deportivos sempre que o tempo acompañe, tratando de fomentar a práctica de diferentes modalidades deportivas (dance revolution, twincon, fut-béisbol, campo a través, 3x3 basket, pickleball, etc.).
• Cesión de material nos recreos: procederemos á cesión de diverso material nos períodos de ocio, tratando de aumentar as posibilidades lúdicas do alumnado. Cada ciclo disporá dunha caixa con material variado para empregar en función dos seus intereses. Ademais, na zona do “porche” habilitaranse actividades de rol (“dobble”, xogo de cartas “uno”, “twister”, “mikados”, “jenga”, etc. ). Un día á semana o alumnado de 5º e 6º poderá facer uso da sala de informática, tal e como veñen facendo dende inicio de curso.
• Corpo en movemento: nesta caso trataranse de inculcar hábitos fóra do centro educativo, polo que promoveremos a práctica deportiva con accións ligadas ao proxecto “piEFcitos”.

Imaxe 1: Exemplo de alumnado realizando actividade deportiva fóra do centro.

(Ver imaxe adxunta 1)

• Almorzos saudables / venres saudables: Unha das estratexias máis próxima a vostedes (no caso de querer participar, xa que é voluntaria), é a dinámica de almorzos saudables. Para que a implantación sexa coherente, dende o centro trataremos de instaurar unha guía de almorzo e hábitos beneficiosos para o noso organismo, elaborada por Carmen Piernas e Juanjo Pérez Soto, profesionais nos ámbitos de epidemioloxía, nutrición e actividade física. 

Dita guía propón un almorzo fundamentado en comida real e saudábel, e á vez, algunhas pautas beneficiosas para a saúde fóra do centro educativo. Esta dinámica do proxecto consiste en que un día á semana (os venres) o alumnado prepare o seu almorzo cumprindo unhas pautas básicas de selección e variedade de alimentos. A guía de referencia é a seguinte:

Imaxe 2: Guía de almorzo saudábel.

(Ver imaxe adxunta 2)

Dende a titoría, levarase a cabo un sistema de puntuación diario, o cal se poderá ver na cortizas de educación física colocadas no ximnasio. Finalmente, cada mes, elaboraranse unhas clasificacións por clases tratando de buscar a motivación no alumnado.

Na seguinte imaxe poden ver algún exemplo de alumnado doutros anos:

Imaxe 3: Exemplos de almorzos saudábeis.

(Ver imaxe adxunta 3)

Nos seguintes enlaces poden ver algún exemplo do que trataremos de levar a cabo, xa que esta iniciativa foi pioneira en centros de Murcia.

Enlaces: 

• https://www.youtube.com/watch?time_continue=2&v=27fUfSP3ae0&feature=emb_logo

• https://www.youtube.com/watch?v=rnYBoKXjpG8

Independentemente do tratado aquí, o almorzo pode ser todo o sinxelo que vostedes consideren, baseándose en froita, por exemplo, sen necesidade de maior complicación. Vólvese a incidir en que é algo voluntario.

• Outras dinámicas: calquera argumento terase en consideración para aumentar os momentos de actividade física.

Imaxe 4: Exemplos de outras propostas.

(Ver imaxe adxunta 4)

Recalcar que calquera iniciativa que se leve a cabo fóra do centro terán rango de actividade complementaria, polo que segundo o artigo 69 do Decreto 374/1996, do 17 de outubro, teñen carácter voluntario. Isto quere dicir que non son avaliables, aínda que obviamente sempre que beneficie ao alumnado formarán parte do apartado tipificado como “actitude/disposición á práctica física-deportiva”.

O único obxectivo deste plan de saúde será empregar a actividade física como fármaco preventivo.

Grazas pola súa colaboración.