A Consellería de educación deu a coñecer a orde que regula o procedemento de admisión de alumnos, que en breve publicará no Diario Oficial de Galicia, e polo tanto entrará en vigor.
Esta información é de especial interés para o alumnado de sexto e as súas familias.
Polo que respecta ás solicitudes para o vindeiro curso 2013/14 a orde establece o seguinte:
- Aqueles alumnos de sexto de primaria que desexen continuar estudios no IES OTERO PEDRAYO, ao que está adscrito o CEIP María Pita, deberán facer a reserva de praza entre o 18 e 22 de marzo mediante o impreso que lles entregaremos.
- O alumnado de sexto que teña pensado continuar os estudios de secundaria noutro instituto público distinto ou noutro centro concertado o privado deberá presentar a solicitude no centro que elixan entre o 5 e o 17 de abril.
Calquera dúbida ou pregunta que teñan non dubiden en dirixirse ao departamento de orientación ou á dirección do centro.
Para os pais e as nais que estean interesadas en coñecer o centro, faremos dúas sesións de portas abertas:
- o luns, día 4 de Marzo de 2013, ás 17:00 h
- o luns, día 8 de Abril de 2013, ás 17:00 h.
- O prazo de entrega de solicitudes no centro vai do 5 ao 17 de abril de 2013, ambos os dous inclusive.
- O modelo oficial para presentar solicitude recollerase na Secretaría, só se pode presentar nun colexio, e virá debidamente asinado por un dos proxenitores ou por ambos proxenitores no caso de divorcio, aportando a resolución xudicial.
- Horario de entrega na Secretaría de 09:00 a 11:30 h e de 12:00 a 14:00 h.
- O alumnado que solicite praza no Centro, debe acompañar copia do DNI, do libro de familia ou outro documento que acredite a súa data de nacemento, así como os nomes dos pais.
- Certificado de empadroamento da unidade familiar actualizado.
- Se opta porque se teña en conta o lugar de traballo:
- Lugar de traballo por conta allea: deberá aportar certificado expedido pola empresa e unha copia do contrato laboral.
- Lugar de traballo por conta propia: A proximidade do lugar de traballo acreditarase mediante alta censual inicial perante a Axencia Estatal Tributaria, e alta na Tesourería Xeral no Réxime da Seguridade Social correspondente.
- Funcionarios: aportarase a oportuna certificación.
- Fotocopia da declaración da renda (IRPF) do ano 2011, coa finalidade de realizar o baremo (se é mester)
- Na solicitude debe constar en 1º lugar o CEIP María Pita.
OFERTA DE POSTOS ESCOLARES DISPOÑIBLES:
Niveis de Educación Infantil 2º Ciclo | Niveis de Educación Primaria | ||
4º EI, 3 anos (1º) ……..... 44
5º EI, 4 anos (2º) …….... 02
6º EI, 5 anos (3º)………... 02
| (1) 6 |
1º EP……………………………….. 00 2º EP………………………………. 00 3º EP………………………………. 02 4º EP ……………………………… 06 5º EP ……………………………… 00 6º EP ……………………………… 12 | (1) 0 |
(1) Prazas reservadas para posible escolarización de alumnado con necesidades educativas de apoio, que serán asignadas pola Comisión de Escolarización ou pola Inspección Educativa. | |||
| |||
PUBLICACIÓN DA LISTAXE DE ALUMNADO ADMITIDO e non admitido:
- Antes do día ...... estará exposta a resolución provisional no taboleiro de anuncios e nesta páxina web , podendo ser obxecto de reclamación ante o Consello Escolar dentro dos 5 días hábiles seguintes á publicación.
- Resoltas as reclamacións farase publica a listaxe definitiva de admisión dentro dos 5 días hábiles seguintes á resolución das reclamacións.
- Contra esta resolución pódese reclamar ante o Departamento Territorial da Consellería de Educación e Ordenación Universitria no prazo dun mes.
PRAZO PARA A FORMALIZACIÓN DA MATRÍCULA:
- En Secretaría do 20 ao 30 de xuño de 09:05 a 11:30 h e de 12:00 a 14:00 h . Se non se fai pérdese o dereito a praza obtida.
