Skip to Content

O noso colexio

                                                                                                     

REUNIÓN DE PAIS E NAIS DO FUTURO ALUMNADO DE 3 ANOS.

O día 18 de xuño ás 17:00 horas teremos unha reunión cos pais e coas nais do alumnado de 3 anos (4º de EI) do curso que ven.

O lugar será o salón de actos do centro. Vide, se é posible, sen nenos.

Ábrese o prazo para solicitar as axudas para a adquisición de libros e material escolar e o acceso ao fondo solidario

Unha das principais novidades é a posibilidade de que as familias tamén poidan presentar as solicitudes de xeito telemático.

Mantense a axuda de 250 euros para o alumnado matriculado en educación especial.

A Consellería de Cultura, Educación e Ordenación Universitaria abre o prazo para que as familias soliciten a súa participación no Fondo Solidario de Libros de Texto, ou ben as axudas para a adquisición de libros de texto, e de vales para material escolar destinadas ao alumnado matriculado en Educación Primaria, ESO e Educación Especial en centros sostidos con fondos públicos. O prazo para presentar as solicitudes permanecerá aberto dende mañá ata o próximo día 22 de xuño (incluído). A convocatoria pode consultarse facendo un clic na seguinte imaxe: 

Cómpre lembrar que será requisito fundamental para acceder ao fondo solidario, ou recibir as axudas para libros ou material escolar, ter devolto os libros dos cursos anteriores.

As solicitudes poderán presentarse por primeira vez por vía electrónica empregando a aplicación informática “fondolibros” https://www.edu.xunta.es/fondolibros  a través da sede electrónica da Xunta de Galicia, https://sede.xunta.gal, ou ben presencialmente nos propios centros docentes, así como en calquera dos lugares e rexistros establecidos na normativa reguladora do procedemento administrativo.

AVALIACIÓNS DE 3º E FINAL DE 6º DE PRIMARIA.

Este mes terán lugar as avaliacións individualizadas de 3º EP e final de primaria, para o alumnado de sexto.

A primeira realízase a todo o alumnado galego de terceiro os días 23 e 24 de maio.

A de sexto ten carácter censal e será os días 29 e 30 de maio. Este curso tocoulle ao noso centro participar nela.

 

Para que esta avaliación sexa completa, precisa dun estudo do contexto complementario. Esta información obterase a partir de cuestionarios dirixidos ao alumnado, ás familias e ao profesorado e determinarán o grupo ISEC (Índice socio-económico e cultural).

 

 

Distribuir contido


by Dr. Radut