O día 11 de febreiro veu ao cole Rosa Aneiros para compartir co alumnado de 4º a lectura da súa obra "A batalla da pequena Chañán Curi Coca". Iniciou a súa charla amosándolles imaxes dos Andes e dos templos incas, onde foi de viaxe. Ese lugar foi a fonte de inspiración da súa obra. A partires de aí comezou unha charla moi amena cos rapaces e rapazas. Quería saber se a comprenderan, se eles tamén escribían ou que cousas lles gustaban. A rapazada tamén lle preguntou moito e asi souberon moitas cousas curiosas da escritora... - Que escribía dende moi pequena pola necesidade de contar historias sobre o que vivía, quizais influenciada polo seu avó que lle contaba moitas historias do seu tempo pasado en Cuba. - Que cando se escribe hai que investigar sobre os datos que queres poñer e asegurarte que é o correcto. - Que as súas obras sempre parten dun feito real ou unha problemática social á que lle quere dar voz. - Que non lle gusta facer segundas partes. - Que aprendeu que o importante non é só a historia que ela crea, senón cada unha das historias que xorden de cada un dos lectores. Por último, rematou recomendándolles un dos seus libros favoritos, "O Principiño". |
||||