“PROGRAMAS DE ÉXITO EDUCATIVO” -  PROA +

Ten como obxectivo apoiar  o alumnado
vulnerable para a mellora do seu rendemento académico, reforzando e
consolidando as aprendizaxes e contidos esenciais para favorecer a
participación desde alumnado no grupo-clase.

PROA+----- 4º/5º/3º/6º de E.P. ( todo o curso)

 “CONTRATOS- PROGRAMA INCLÚE
(CPInclúe):

- IGUALA-T. Con este programa desenvolveremos accións para o fomento
da coeducación, isto é, a promoción da igualdade de oportunidades entre
mulleres e homes; a prevención, a detección e o tratamento das violencias
machistas; e a promoción do respecto pola diversidade afectivo-sexual e de
xénero.

- CONVIVE-T Desenvolveranse medidas que favorezan o clima escolar e
as relacións entre os membros da comunidade educativa, actuacións preventivas
de condutas violentas ou discriminatorias, xestión de conflitos.

- INCLÚE-T Conxunto de medidas para favorecer a inclusión dos
colectivos máis desfavorecidos, como o alumnado inmigrante, e o retornado ou en
risco de exclusión social.

- EMOCIÓNA-T Adquirir e desenvolver competencias emocionais
(conciencia emocional, autonomía emocional, regulación das emocións propias e
alleas…) entendidas como competencias básicas para toda a vida.

Estimadas familias durante o curso actual o centro praticipará no programa de éxito educativo PROA+ 2023/24

Coa finalidade de axudar a mellorar os resultados educativos do alumnado con necesidades específicas de apoio educativo, o noso centro participa no curso 2023/24 no Programa PROA+, polo que unha docente asignada a este programa reforzará o alumnado beneficiario, en horario lectivo na aula ordinaria, ofrecéndolle unha atención persoal e individualizada que lle permita mellorar o seu rendemento escolar e acadar unha motivación positiva de cara ás súas aprendizaxes.

Ficha técnica

Institución:

• Consellería de Sanidade
  • Dirección Xeral de Saúde Pública.
    • Servizo de Estilos de Vida Saudable e Educación para a Saúde

• Consellería do Mar
  • Subdirección Xeral de Pesca e Mercados da Pesca
    • Servizo de Mercados
• Consellería de Medio Rural
  • Fondo Galego de Garantía Agraria (FOGGA)
  • Servizo do Sector Lácteo e Mercados Agrícolas

Ámbito: hábitos saudables / consumo responsable / patrimonio alimentario

Definición: o proxecto “Nutriescolas” forma parte da estratexia educativa do Plan de acción para a prevención do sobrepeso e a obesidade (Plan Obesidade Zero en Galicia) da Dirección Xeral de Saúde Pública, e canalízase na escola a través do Plan Proxecta+ de innovación educativa.

As modalidades de "Nutriescolas" buscan traballar todas as dimensións do feito alimentario dun xeito integral e transversal na comunidade de referencia do alumnado. Responde á necesidade de que o alumnado adquira e consolide hábitos alimentarios adecuados e desenvolva as competencias necesarias para facer eleccións saudables no futuro. Para acadar estes obxectivos, se lles convida a coñecer a contorna alimentaria a través de experiencias sensoriais, a valorar o noso patrimonio alimentario tradicional, a reflexionar sobre a influencia do medio (publicidade, dispoñibilidade de alimentos, industria alimentaria) e as súas consecuencias sobre o estado de saúde, entre outras, co fin de desenvolver un comportamento crítico como consumidores responsables fronte á oferta alimentaria actual.

Vinculación cos ODS da Axenda 2030:

• ODS 3. Saúde e benestar
• ODS 12. Produción e consumo responsable
• ODS 14. Vida submarina

Temporización: curso completo

Modalidades:

A) Nutriescolas 0: A modalidade Nutriescolas 0 ten por obxectivo a adquisición de hábitos alimentarios saudables no alumnado de educación infantil. Nutriescolas 0

Todos os centros participantes que desenvolvan accións con alumnado de educación infantil deben elixir necesariamente esta modalidade.

B) Nutriescolas 1: A modalidade Nutriescolas 1 ten por obxectivo a adquisición de hábitos alimentarios saudables no alumnado de educación primaria. Nutriescola 1

Todos os centros participantes que desenvolvan accións con alumnado de educación primaria deben elixir necesariamente esta modalidade.

Recursos opcionais:

• Froita na escola: Este recurso ten por obxecto o fomento do consumo de froitas frescas e castañas coa finalidade de configurar hábitos alimentarios saudables no alumnado de centros escolares. Ofrécense froitas frescas e castañas aos centros que así o soliciten, segundo a convocatoria anual do FOGGA.
• Lácteos na escola: Este recurso ten por obxecto o fomento do consumo de leite no alumnado de centros escolares. Ofrécese leite de consumo aos centros que así o soliciten, segundo a convocatoria anual do FOGGA.
• Máis alá do prato:  consiste en analizar o sistema alimentario dende as aulas, estudando todas as fases (produción, comercialización, consumo, etc.) e a pegada ecolóxica que levan consigo cada unha de elas, poñendo en valor o comercio e produción local e implantando dietas saudables e sostibles.

NOTA INFORMATIVA: no caso de seleccionar algún dos recursos opcionais, estes deberán estar plenamente integrados no proxecto presentado para participar nas modalidades Nutriescolas 0, Nutriescolas 1, Nutriescolas 2 ou Cociñando con saúde. A simple participación nas actividades ofertadas por estes recursos non constituirá motivo de superación da memoria presentada ao final do curso.

Alumnado ao que vai dirixido:

A) NUTRIESOLAS 0: educación infantil

B) NUTRIESCOLAS 1: educación primaria