XOGANDO NA FESTA DO MAGOSTO

O pasado martes 9 de novembro celebramos a FESTA DO MAGOSTO no noso colexio de Guillarei. Ademais de comer as castañas asadas pola ANPA, este ano houbo “chouripán” e coma sempre un percorrido con 7 estacións con diferentes xogos populares, autóctonos e tradicionais, como por exemplo: xogamos a billarda (pincha ou estornela), relevos cun culler e castaña, o xogo do aro, carreiras de sacos, as construcións coas espigas do millo, o xogo dos bilos, a rá, a chave de aspas, os zancos ou o sogatira.

Sen dúbida foi unha xornada lúdica e de convivencia.

BOLOS

CONSTRUCIÓNS CO MILLO

O XOGO DA CHAVE DE ASPAS

XOGOS POPULARES NO CEP PEDRO CASELLES EN TOMIÑO

O xoves día 11 de Novembro, participamos coa clase de 6º curso de educación primaria nunha competición de “Xogos Populares” con outras 12 escolas do Baixo Miño (Salceda de Caselas, Tomiño e Tui).

GRUPO DE 6⁰ CURSO

Na xornada se xogaron  3 quendas, xogando aos Bolos Celtas, a Billarda e a Chave de Aspas. Ademais de participar, aprendemos cousiñas novas como un xeito diferente de xogar aos bolos (cos tiros e os birlo), na billarda co palán e o varal e na Chave cos peios ou pezas.

BOLOS CELTAS

 A BILLARDA

BOLOS CELTAS

A CHAVE DE ASPAS

Xogos populares no magosto: organizamos unha zona diferente para grupo burbulla, na cal cada clase durante máis dunha hora xogou a diferentes xogos populares. En total foron 7 espazos separados respectando as normas do protocolo, con distancias e sen compartir os materiais.

O pasado mércores celebramos a festa do magosto na nosa escola. a xornada desenvolveuse con varias actividades como cantar unha canción popular galega, participar nos obradoiros dos xogos populares. O tempo axudou moito, xa que fixo sol e poidemos comer as castañas no patio.

Os obradoiros de xogos este ano foron os seguintes:

1- O xogo da rá.

2- Construción de torres cos carozos do millo.

3- Relevos coa culler.

4- Os birlos ou bolos celtas.

5- Xogos co paracaídas e castañas.

6- Equilibrios cos zancos, a goma o aro guía.

7- Carreiras de sacos, colar fichas e as buxainas

Magosto 2018

MARTES 13 de Novembro a partir das 10.30 no torreiro da festa de Guillarei.

Este ano terá o seguinte programa:

10:45 II Carreira Solidaria para axudar ao banco de alimentos de SOS Tomiño-Baixo Miño (podedes traer LEITE e CACAO xa durante estes días ao colexio). A carreira ten espíritu participativo e solidario e tamén participarán mestr@s, alumnado e as familias que se animen a correr ou camiñar un pouco.

Animádevos e vir a participar fomentando así o deporte e a solidaridade

12:00 Obradoiros de xogos populares galegos.

13:00 Tempo de comer castañas.

Resumo fotográfico da xornada de xogos populares para as clases de sexto que se celebrou no terceiro trimestre nas instalacións do CEIP nº 2 de Tui e na que participaron colexios de Tui e Tomiño, xogando a Billarda, Petanca, Chave, Bolos Celtas, A rá, zancos, carrilanas ou as buxainas.