XOGOS POPULARES NA FESTA DO MAGOSTO 2022

O pasado venres 11 de novembro celebramos a festa do magosto, coincidindo este ano co día do S. Martiño. Decidimos aproveitar esta celebración para practicar xogando a xogos populares, organizando varios obradoiros onde recuperamos a formación de 8 equipos co alumnado misturado dende infantil ata 6º curso de primaria.

Os obradoiros de xogos foron os seguintes:

1. Billarda ou xogo da pincha no pavillón.
2. As torres cos carozos do millo no patio cuberto.
3. As carreiras de sacos na zona verde a carón do parque.
4. Os bolos ou birlos na parte dinateira da sala de mestr@s.
5. O xogo da chave de aspas fronte a clase de música.
6. Xogos pintados na zona da calustra.
7. Xogos pintados na zona da calustra.
8. Relevos coas castañas no patio da entrada ao pavillón.

Sen dúbida foi unha xornada moi intensa e divertida, que rematou coas merendas, un ano máis cos choripans e coas castañas asadas.