Recollida e exposición de froitos de outono. Esta recollida levarase a cabo do 13 ao 16 de outubro. A exposición farase do 19 ao 23.
Recollida de cantigas populares, refráns, contos, lendas, adiviñas, coplas, etc. Esta actividade realizarana os nenos e nenas. Os informantes serán os avós, avoas e demais persoas mariores da súa familia.Os titores e titoras recolleranos. Logo, discutiremos que facer con este material. Hai varias posibilidades: revista Remuíños, contacontos feito por avós e avoas, facer un libriño encanutillado para a biblioteca, etc., etc. Dalgunha maneira, hai que difundilo na comunidade educativa. A temporalización serán os meses de outubro e novembro.
Magosto e Samaín e Día do Peón. En principio, ímolo celebrar o 13 de novembro.As actividades, dentro das aulas, levaranse a cabo do día 9 ao 13. Do 9 ao 11, recollida de castañas(picadas). Enviarase unha circular ás familias o día 6. Do 9 ao 11, baleirar e decorar cabazas. O día 12, baixalas á exposición.
E, nada máis. Se se vos ocorren máis cousas, admítense montóns de suxestións.
O Equipo de Normalización de Dinamización Lingüística
