O día máis importante do ano para o colexio Esteiro chegou. Tivemos que adiantalo un día ao oficial, pero iso non foi importante; o que de verdade resultou valioso foi a xuntanza de todo o alumnado coa alegría dos desexos de paz e a fonda tristeza na lembranza de tantas persoas que están a sentir a violencia en Haití, pola forza da natureza, pero, sobre todo, pola pobreza en que viven. Que xa lles quede menos camiño para vivir unha vida digna.
Tal e como aconteceu o curso pasado, este ano tamén disfrutamos da presenza de maiores da Residencia Abrente. A todos eles querémoslles dar as grazas por ter disfrutado connosco deste día.
Este foi o noso programa:
ACTO COLECTIVO DO DÍA DA PAZ
1.Canción: Amiguiños, si; ás pelexas, non.
2. Vídeo: Mahatma Gandhi.
3.Canción: Imagine.
4. Construcción do Muro da Paz
5. Representación de contos:
a.O peso da nada.
b. Os tres fillos do rei.
c. A sopa de pedra.
6. Representación de títeres: O monstro de dúas cabezas.
7.Canción: A Muralla.8.Xogo: O abrazo común (no patio).
Un mago, tartas feitas polas propias familias, animación musical... Todo iso e moito máis houbo na festa que tradicionalmente leva a cabo a ANPA. Un exitazo que promete ter continuación.
No blog da biblioteca (que xa sabedes onde atopalo!), podedes ver unha presentación fotográfica da actuación dos nenos e nenas de 3º e 4º de Educación Primaria na Residencia Abrente de Ferrol. Saímos do colexio para integrar o noso traballo na sociedade. E, onde mellor, que nun lugar como na Residencia de maiores que temos preto do colexio?
Ainda que pasada por auga nalgúns momentos, a visita a Santiago saiu redonda. O 20 de outubro visitamos o Museo de Historia Natural da Facultade de Químicas, paseamos o casco histórico, xantamos no centro comercial "Área Central" e rematamos no Museo do Pobo Galego (aquí quedamos sen batería na cámara fotográfica). Aí van algunhas fotos deste día tan divertido.
Por fin chegou o Día do Peón. Había nenos e nenas que o esperabamos especialmente; tiñamos traballado tanto para aprender a bailalo que xa nos tardaba demasiado. Comezamos cantando a canción da "Buxaina". Case, case que se convertiu no himno do colexio.
O director continuou lendo o Manifesto do Día do Peón. Parece ser que foi lido en moitísimos colexios de Galicia. Foi un texto moi divertido de Suso de Toro.
Máis Máis tarde vimos ao campión do mundo no manexo de peóns nun vídeo. Tamén vimos outro video dun artesán facendo un peón. Non hai imaxes pois o salón quedou a escuras.
Despois saímos os que conseguimos o "Master en peóns" a facer unha demostración do que aprendimos desde que no San Martiño quitamos os peóns ao camiño.
Continuamos facendo unha demostración dun xogo onde podemos romper os peóns dos compañeiros. É moi divertido.
Rematamos coa entrega de diplomas. José Carlos destacou a Sara xa que dixo que os xogos non son de nenos nin de nenas.
Un Un gran día! Xa estamos esperando o próximo. Por certo, gardaremos os peóns polo San Amaro que cadra polo 15 de xaneiro.
Iso si, o colexio está agora máis bonito coa exposición de peóns e o cartel que fixeron para este día tan especial os nenos e nenas de 2º.
Por certo, Carlos Maldonado, de 5º de E.P. escribiu un conto precioso para esta ocasión.
O PEÓN DE OURO
Hai moitos anos, nun
pequeño pobo de Galicia, vivía unha buxaina feita de madeira de roble e, por
ese motivo, era a que mellor bailaba. Ademais estaba decorada dun xeito moi
bonito. Un día, competindo con outros peóns, tropezou cunha pedra e rodou ata o
río. A corrente a arrastrou ata unha aldea que ela nunca antes vira. Entón
notou que ningún peón daquela cidade estaba decorado. De repente, pasou por
diante del un peón de ouro que lle preguntou:
-
Ti non es
deste pobo, verdade?
-
Non,
respondeu.
-
Pois direiche
que eu son o rei deste pobo e a mellor buxaina do mundo.
Enton, o peón propúxolle
ao rei celebrar un concurso para ver cal dos dous facía mellor o “Pico ao aire”
e que se perdía el sería o novo rei desa cidade.
-
Acepto, dixo
o rei.
O día seguinte,
xuntáronse nunha praza para celebrar o concurso. O peón de madeira fixo moi ben
o “pico ao aire”, pero como o peón de ouro pesaba tanto non conseguía elevarse.
Así que a partir dese día deixou de ser o rei e a todos os peóns daquela cidade
permitíaselles estar decorados.
Nas imaxes podemos ver un dos moitos froitos da Sección Bilingüe de 6º. Poucos se atreveron a ligar as matemáticas e a lingua inglesa, pero o Colexio de Esteiro fíxoo. Este é un dos substanciosos resultados.
A Concellería de Benestar de Ferrol na actividade da que informamos máis abaixo, Ponlle cara, organizou un pequeno concurso de debuxos que mostraran a sensibilidade coas persoas sen fogar. Gabi, Gabriela Rodríguez Arnoso, de 5º de E.P. conseguiu un dos estupendos premios, un ordenador. Nas fotos podedes comprobar como lle quedou a cara...
Despois dun traballo previo na aula, nenos e nenas de 3º e 5º de E.P. realizaron un recorrido proposto pola Concellería de Benestar de Ferrol onde aprenderon a valorar a presenza, moitas veces invisible, das persoas que habitan a rúa. Nos caixeiros automáticos, debaixo dun soportal, entre cartóns, acudindo á Cociña Económica, a refuxios onde durmir... Durante un par de horas, nenos e nenas viviron situacións que lles aproximaban a eles; puxéronse no se lugar; aprenderon a ser máis humanos.
A actividade rematou cun estupendo chocolate quente (que día tan desapacible!) e coa presenza de moitos medios informativos: Radio Nacional, Voz de Galicia, El Correo Gallego, Televisión de Galicia... Unha actividade inolvidable.
Para os nenos e nenas do noso colexio a cor, a forma dos ollos, a lingua..., non son máis que xeitos distintos e marabillosos de ser persoas. Cando xogamos no patio, cando estudamos ou cando durmimos podemos parecer diferentes para alguén que nos mire desde fóra, pero se estiveran entre nós, saberían que nos sentimos iguais.
Estes días celebramos a sorte que temos por ter entre nós a nenos e nenas que viñeron desde China. Debe ser un páis precioso. Quen poidera ir alá!
Aquí quedan algúnhas das imaxes da presentación. Quen o desexe, tamén pode visitar a mostra de libros que está exposta na biblioteca.
