Skip to Content

Revista escolar

A XANELA DE VIÑAGRANDE INTERACTIVA

A partires do 13 de marzo do 2017 o xornal escolar do CEIP de Viñagrande Deiro “A XANELA DE VIÑAGRANDE” actualiza o seu formato e os contidos da información a comunicar.

O alumnado embárcase nun novo proxecto de informar sobre noticias de actualidade cun formato que permite a interactividade grazas á posibilidade de inserir arquivos multimedia: fotos, audios, presentacións, videos...etc.

Ao longo das vindeiras catro semanas o alumnado de 3º, 4º, 5º e 6º participará na elaboración dunha nova versión da Xanela de Viñagrande onde toda a comunidade educativa poderá informarse sobre distintas noticias da actualidade pero contadas polos máis pequenos.

Atendendo á necesidade de que a actualidade entre nas aulas para o seu tratamento educativo, iniciamos esta nova andaina da Xanela de Viñagrande co obxectivo de acercandrnos á actualidade social, cultural, científica, literaria,     económica... aportando a visión dos máis pequenos.

Nesta nova versión, poderemos integrar diversidade de formatos xornalísticos: fotografía, televisión, radio... a través dun traballo sistemático con diferentes tipos de textos e xuntando todo nunha plataforma virtual: a revista interactiva.

A tipoloxía de textos coa que traballaremos permitirán elaoborar distintos tipos de programas xornalísticos:

-          Un informativo ou telexornal.

-          Un programa de radio

-          Un xornal interactivo.

Eses tipos de textos serán moi variados: noticias, descricións, textos publicitarios, pé de foto, informativos, de opinión e mixtos.

Textos informativos: Descrición, noticia e reportaxe

Textos de opinión: artículo, editorial e columna.

Textos mixtos: Crónica e crítica.

 

Non nos despedimos do vello formato, só o actulizamos para traballar coas novas da actualidade.

 

Ademais esta vez poderedes ver día a día como se vai desenvolvendo esta revista interactiva accedendo ao seguinte enlace ubicado na seguinte imaxe.

 

CASARES INTERACTIVO. UNHA NOVA REVISTA DIXITAL.

Co obxectivo de iniciar un proxecto didáctico centrado na figura de Carlos Casares, o alumnado do CEIP de Viñagrande Deiro desenvolveu un conxunto de actividades dirixidas ao desenvolvemento da Competencia Lingüística a través dun traballo sistemático arredor de determinadas obras do citado autor.

Entre as actividades que realizaron os vinhamedios e os vinhagrandes do colexio están as que a continuación destacamos:

  • AUDIOLIBROS
  • ILUSTRAR O CONTO DE “LOLO ANDA EN BICICLETA”
  • CONTAR HISTORIAS, LENDA E MITOS RELACIONADO CON S. MIGUEL DE DEIRO.
  • TEATRO DE MONICREQUES DA OBRA “O CAN RIN E O LOBO CRISPÍN”.

 O producto final foi a elaboración dunha revista interactiva dixital na que se recolle unha representación de todas as actividades desenvolvidas polo alumnado no Contexto Lingüístico Literario e que poderedes ver accedendo ao seguinte enlace ou chuzando na seguinte imaxe:

https://vinhamedios.atavist.com/a-xanela-de-vinhagrande

A XANELA DE VIÑAGRANDE III

No contexto lingüístico literario continuamos coa elaboración dun xornal escolar semanal. Nesta ocasión tocoulle ao alumnado de 5º e 6º de Educación Primaria do grupo VIÑAGRANDES A e B. 

As actividades que teñen que elaborar son moi variadas: pasatempos diferentes, un cómic por parellas, entrevistas, noticias imaxinadas e verdadeiras. 

Neste segundo número tamén participou alumnado de 3º redactando algunhas das noticias publicadas.


A XANELA DE VIÑAGRANDE. Nº2

No contexto lingüístico literario continuamos coa elaboración dun xornal escolar semanal. Nesta ocasión tocoulle ao alumnado de 3º e 4º de Educación Primaria do grupo VIÑAMEDIOS A. 
As actividades que teñen que elaborar son moi variadas: pasatempos diferentes, un cómic por parellas, entrevistas, noticias imaxinadas e verdadeiras. 
Neste segundo número tamén participou alumnado de 5º redactando algunhas das noticias publicadas.


REGRESO DA XANELA DE VIÑAGRANDE

Despois de máis de tres anos sen sair ao camiño, volve A XANELA DE VIÑAGRANDE, con un novo formato pero coa mesma finalidade que antes: manter informada a toda a comunidade educativa do CEIP de VIÑAGRANDE DEIRO. E como homenaxe ao alumnado e profesorador que tanto traballou nela durante moitos anos , recuperamos a última portada editada en maio do 2013.
 


A Xanela de Viñagrande

Debido aos recortes na Educación Pública, vémonos na obriga de publicar a nosa Revista Escolar só en formato dixital.Agardamos e desexamos que sexa do voso agrado e que vos guste.

Para visualizala pinchade na imaxe de abaixo....

Revista 2007. Aniversario

No ano 2007 celebrouse o 25 aniversario do noso colexio; por tal motivo, sacamos un número especial da revista " ¡Que Pasada!", onde se fixo unha escolma de diferentes páxinas de números anteriores. Se o desexas, podes consultala facendo clic en "ler máis" e logo na portada.

 


Distribuir contido


by Dr. Radut