Skip to Content

Biblioteca

XORNADA DE PORTAS ABERTAS

       CHAVETA, a mascota da nosa biblioteca, convida a todas as familias do CEIP Viñagrande- Deiro a visitar a nova biblioteca, reformada integramente o curso pasado. Será o vindeiro mércores, 18 de outubro, entre as 13:00 e as 14:00 horas.

    Poderedes coñecer o novo espazo da biblioteca e as súas funcionalidades, os recursos con que contamos e tamén achegarnos as vosas suxestións e propostas de mellora. Agardámosvos!

A GALIÑA ROXA

   Nos grupos de Viñagrandes estivemos traballando a ambientación sonora, recreando o ambiente sonoro de diferentes contos.

       Carmen, Lucía e Rodrigo sonorizaron "A galiña roxa", de Pilar Martínez.

CAPITÁN VERDEMÁN

       Xa está aquí a versión dos nenos de Viñamedios do conto de Ellie Bethel, "Capitán Verdemán, superhéroe del reciclaje", un conto que nos achega bos consellos para coidar o noso planeta.

CHAVETA CONVÍDAVOS... A ENTRAR NA NOVA BIBLIOTECA

       Xa fai uns meses que estreamos a nova biblioteca, pero inda quedaban algúns espazos por rematar de configurar, así que aquí vos deixamos unha mostra de todos o que podedes atopar agora mesmo. Iso si, o vindeiro curso continuaremos con máis melloras!

O CAN RIN E O LOBO CRIPÍN

      Durante a semana das Letras Galegas dous grupos de nenos representaron no teatro de marionetas a historia de "O can Rin e o lobo Crsipín" de Carlos Casares, que prepararan no contexto lingüístico, aos máis pequenos.

       Foron unhas sesións moi divertidas. Moitas grazas a todos os participantes!

LEMOS A CARLOS CASARES

       Este ano as Letras Galegas estiveron adicadas a Carlos Casares e para coñecer algunhas das súas obras, que mellor que nolas veñan contar á clase. Isto foi o que sucedeu durante esta semana nas aulas de Educación Infantil, 1º e 2º. Como os nenos maiores xa coñecían moitos dos libros de Carlos Casares, posto que desenvolveron un proxecto sobre o autor no contexto lingüístico, foron xunto aos máis cativos a ler os contos de A Galiña azul e As historias de Toribio.

O BARDO ABELARDO- SERVANDO BARREIRO

       Na semana das Letras Galegas tivemos no cole a Servando Barreiro presentándonos o espectáculo O Bardo Abelardo. Acompañado co seu acordeón fixemos unha pequena viaxe pola obra de Carlos Casares: demos un paseo en bicicleta con Lolo, plantamos árbores, coñecemos algunhas historias da Galiña Azul... Unha magnífica maneira de achegarnos ao homenaxeado deste ano!

PRESENTACIÓN DE NOVIDADES

       Esta semana imos coñecer as últimas novidades que chegaron á biblioteca e que se poderán levar en préstamo despois da presentación. Neste vídeo podedes ver un adianto de todas elas e uns pequenos consellos para coidar a biblioteca.

OBRADOIRO DE DEBUXO CON ABRAHAM CARREIRO

    O pasado mércores recibimos a visita de Abraham Carreiro, debuxante,ilustrador e deseñador gráfico e tamén director do xornal O Papagaio. Abraham ensinounos algúns trucos para debuxar animais, acentuar a expresividade das caras e darlle máis vida e movemento aos debuxos. Foi unha velada xenial!

II SEMANA DO TEATRO

      Aquí vos deixamos os vídeos das distintas representacións da Semana do teatro.

      Agardamos que o pasarades en grande! 

Distribuir contido


by Dr. Radut