Actividades

FIN DE CURSO

Dende o CEIP de Viñagrande Deiro queremos despedirnos de toda a comunidade educativa agradecendo a vosa colaboración e axuda durante todo este curso 2015 -2016.

Foi un curso moi intenso que rematou cunha gran despedida na que o alumnado, as familias e o profesorado tivemos a oportunidade de vivir unha xornada festiva marcada pola presenza no centro da orquestra D´Tacón e pola organización do festival de fin de curso e de obradoiros e inchables no recinto escolar.

Queremos darlle as grazas especialmente a todas as persoas que colaboraron e en especial aos responsable da Orquestra D´Tacón e, como non, á AMPA que sempre está cando lle lo pedimos. GRAZAS DE CORAZÓN!

                 

GALICIA EN FOTOS

Grazas á colaboración das familias do alumnado e do profesorado do CEIP Viñagrande puidemos elaborar un mural moi interesante no que Galicia e as súas paisaxes xogan un papel fundamental. 
 
Titulado GALICIA EN FOTOS, o mural recolle fotografías de distintos lugares de Galicia nos que o alumnado, profesorado e familiares estiveron algunha vez. 
 
A finalidade deste mural é básicamente  unir a lingua galega e a nosa toponimia  coa nosa identidade, coas nosas características e en definitiva coñecer e valorar cada vez máis a nosa realidade galega.
 
 
 

VISITA DO PANDIGUEIRO

O xoves 19 de decembro tivemos unha visita moi esperada. Dende o ano pasado o alumnado do noso centro é coñecedor dunha personaxe mítica do Nadal galego que, por segunda vez, decidiu visitarnos.
Despois dunha viaxe longa dende O Courel O Pandigueiro puxo os seus pés en Viñagrande para analizar se os nenos e nenas deste lugar tiñan estaban ben mantidos e, de paso, traerlles un agasallo.
 
Para quen non o saiba, a súa maneira de actuar é a seguinte:

O día 31 de decembro baixa da montaña e visita aos nenos e nenas, despois de quedaren durmidos. Entón apálpalles a barriga por ver se están cheos os se teñen fame.
De teren a barriga chea, di: "Así, así esteas todo o ano" e déixalles unha man chea de castañas. De ver que teñen a barriga baleira, non di nada, mais tamén deixa unha presada de castañas.

 

Powered by Drupal - Design by artinet