Skip to Content

CEIP DE VIÑAGRANDE DEIRO: UNHA ESCOLA TRANSFORMADORA DA SOCIEDADE.

Dende o CEIP de Viñagrande Deiro estamos de noraboa. A fundación sen ánimo de lucro Ashoka acada de recoñecer ao noso centro e ao seu proxecto educativo como unha das escolas "ChangeMaker" que axuda á transformación da sociedade.

A metodoloxía que se está empregando, os proxectos que o alumnado está desenvolvendo, as iniciativas a prol da participación das familias, as propostas didácticas no interior das aulas e outras moitas realidades foron valoradas por Ashoka Educación como transformadoras e de gran calado educativo e social.

Constitúe un novo recoñecemento que debe axudarnos a sentirnos orgullosos do noso centro e do proxecto educativo que se está desenvolvendo e que nunca deixará de mellorar. 

Noraboa a toda a comunidade educativa!

 

Chuzando na seguinte imaxe poderedes acceder á información.

ESCOLA DE FAMILIAS O XOVES 15 DE NOVMEBRO

Temos o pracer de convidarvos á primeira sesión da I ESCOLA DE FAMILIAS do CEIP de Viñagrande Deiro.

Nesta primeira xornada contamos con Sonica Carbón que nos falará da importancia dunha alimentación saudable dende unha perspectiva diferente e impactante.

Estamos moi ilusionados con esta nova proposta que parte do centro e conta coa inestimable colaboración da ANPA CEIP de Viñagrande Deiro e do Centro de Formación e Recursos de Pontevedra.

Esperamos contar coa vosa presenza.

VISITA O CEIP DE VIÑAGRANDE DEIRO EN 360º

Recolectando experiencias agradables. No IV Encontro Samsung Smart School o Ceip DE Viñagrande Deiro colleitou un novo premio polo proxecto de modificación dos espacios educativos no que levamos inmersos nos últimos tres anos: contextos e minicontextos de aprendizaxe, estética agradable, mellora da biblioteca, medios de comunicación, novos corredores, novo proxecto de patio escolar, reforma de espazos sanitarios... 

Recibimos este premio agradecendo a toda a comunidade educativa o seu apoio e ilusión por UNHA NOVA ESCOLA.

Se queredes visitar o centro e ver como se traballa nel, non deixar de adentrarse neste paseo virtual en 360º.

PRESENTACIÓN CO PROXECTO EDUCATIVO DO CENTRO

O INFORMADEIRO

 Este curso 2016 - 2017 iniciouse con grandes cambios. Nestes momentos estamos rematando de configurar un novo contexto de aprendizaxe denominado O INFORMADEIRO e que se sitúa na nova biblioteca escolar e constitúe unha importante peza do Plan de Mellora da Biblioteca Escolar.

Nel o alumnado vai ter a oportunidade de darlle saída aos traballos que elaboran no interior das aulas a través dos distitintos medios de comunicación: xornais e revistas escolares, radio, televisión e redes sociais (inda xestionadas polo profesorado). 

Na nova biblioteca contamos xa con tres novos espazos ben definidos para o traballo en RadioDeirOnline, en TeleViñagrande e na edición e publicación do xornal escolar A Xanela de Viñagrande

O que aquí vos presentamos é unha selección das actividades que se desenvolveron ao longo deste curso grazas aos medios de comunicación cos que traballamos. Nesta web poderedes acceder a programas de radio, de televisón e as distintas modalidade de revistas e xornais escolares que fixo o alumnado.

Esperamos que vos guste porque será unha rutina a partires dagora ver ao alumnado converterse en xornalista nunha nova biblioteca escolar multifuncional e  multidisciplinar.

http://www.edu.xunta.gal/centros/ceipdevinhagrande/?q=system/files/informadeiro.jpg

O INFORMADEIRO. UN NOVO ESPAZO PARA O CENTRO

UN CENTRO "SMART SCHOOL"

I XORNADAS "POR UNHA NOVA ESCOLA"

Distribuir contido


by Dr. Radut