Queridas familias:

O tema do proxecto que temos en marcha este curso é a ALIMENTACIÓN SAUDABLE polo que os disfraces de Entroido das crianzas deberán ter relación coa cociña, as receitas e os alimentos que son bos para coidar a saúde e nos aportan benestar.

Estades convidadas a participar na festa que empezará ás 11:30h. Se vos animades podedes vir disfrazadas e aportar doces tipicos destas datas para compartir. Degustaremos tamén os pratos preparados polas crianzas nas aulas durante a primeira parte da mañá.

Os mandados do Meco comezarán como todos os anos o luns desa semana. Non é obrigatorio participar, polo que vos pregamos que deixedes ese tema nas mans das crianzas. 

Queridas familias:

Xa podedes ver os vídeos do Entroido na Aula Virtual.

Queridas familias:

Este curso estamos dándolle voltas a idea "Abrir Refoxos ao mundo" a través das actividades que imos propoñendo ás crianzas nas aulas e que mellor maneira de coñecer e chegar a todos os sitios que viaxando. 

O tema de Entroido que escollemos este ano é "OS MEDIOS DE TRANSPORTE" e quedaron repartidos do seguinte xeito:

• Infantil: Medios de transporte marítimos.
• 1ºEP - 2ºEP: Medios de transporte aéreos.
• 3ºEP - 4ºEP: Medios de transporte terrestres.
• 5ºEP - 6ºEP: Medios de transporte espaciais.

A festa vai ser o 25 de febreiro e a primeira consigna do MECO farase pública o venres anterior.

O obxectivo de vir disfrazado/a é pasalo ben. Pregámosvos que os disfraces sexan sinxelos para que na medida das vosas posibilidades as crianzas participen na súa elaboración. O noso desexo é que creen recordos bonitos de tempo pasado en familia e despois tamén cos nós aquí no colexio.

Este ano novamente debido á COVID non podemos convidaros pero ogallá a próxima vez poidamos retomar o noso Entroido de sempre.

Un saudo e moitas grazas

A dirección e o Claustro.