Queridas familias:

O tema do proxecto que temos en marcha este curso é a ALIMENTACIÓN SAUDABLE polo que os disfraces de Entroido das crianzas deberán ter relación coa cociña, as receitas e os alimentos que son bos para coidar a saúde e nos aportan benestar.

Estades convidadas a participar na festa que empezará ás 11:30h. Se vos animades podedes vir disfrazadas e aportar doces tipicos destas datas para compartir. Degustaremos tamén os pratos preparados polas crianzas nas aulas durante a primeira parte da mañá.

Os mandados do Meco comezarán como todos os anos o luns desa semana. Non é obrigatorio participar, polo que vos pregamos que deixedes ese tema nas mans das crianzas. 

Queridas familias:

Ante a previsión de chuvia para a saída do luns decidimos facer os seguintes cambios:

•   10:45h Visita á Casa do Concello de O Rosal.
•   10h Visita á Casa dos Oficios para Primaria e ao Mercado de O Rosal para Infantil.
•   11h Merenda.
•   11:30h Contacontos na Biblioteca Municipal de O Rosal. 
•   12h Manualidade rosaleira relacionada coa cultura dos/as cabaqueiros/as.
•   13:00 Visita ao Centro de Autoarranxo .
•   13:30h Volta ao centro.

A dirección e o Claustro.

Queridas familias:

A poucas semanas da chegada do Nadal propoñémosvos unha nova actividade para que a compartades coas crianzas.

A semana que ven imos comezar a montar a árbore e como o tema do proxecto deste curso é "Ponlle sabor á túa vida" precisamos que as crianzas traían adornos para colgar, feitos na casa, que reflictan o que significa a alimentación saudable para vós. Poden conter imaxes, palabras, frases...

Data límite: Mércores 7 

Moitas grazas!!

Guía de recomendacións para a primeira infancia.

Guía de pequenos cambios para comer mellor.

Cal será o noso proxecto este curso?

Horario da biblioteca os luns pola tarde

De 15:30h a 17:15h